ب / هەرگاڤا خودانێ تشتێ دزى تشتێ خۆ ديت ئەو هێژاترە بگەهيتێ، و ئەوێ كرى دڤێت بۆ بزڤرينيت و پارێت وى ل سەر خودانێ تشتى ناچن، بەلكى ل سەر وى دچن يێ ژێ كرى و ژ نەهەقي فرۆتيێ، و دڤێت ئەو وى تشتى بۆ خودانێ دورست بزڤرينيت. ئەبو داوود ژ سەمورەيێ كورێ جوندبى (خودێ ژێ رازی بیت) ڤەدگێريت دبێژيت: پێغەمبەرى (سلاڤێت خودێ لێ بن) گۆت: (من وَجَدَ عَيْنَ مَالِهِ عِنْدَ رَجُلٍ فَهُوَ أَحَقُّ بِهِ وَيتَّبِعُ الْبَيِّعُ من بَاعَهُ) هەركەسێ مالێ خۆ ل دەف زەلامەكى ديت ئەو هەژيترە بۆ وى مالى و بكر بۆ پارێ خۆ بلا بزڤريتە فرۆشكارى، و خودێ چێتر دزانيت.
