ب / بێ شك جوداهى يا د ناڤبەرا فەرمان و حوكمێت هەردووياندا هەى، ديارى بەخشاندن و دانەكا بێ بەرامبەر و هەروەيە، و يێ ديارى بۆ هاتيەكرن دبيتە خودانێ دياريێ، و هەر دەستكاريەكا هەبيت دشێت د وێ دياريێدا بكەت، بفرۆشيت، بدەتە ئێكێ دى، چ كار تێدا بكەت بۆ وى هەيە؛ چونكى دبيتە خودان، بەلێ وەقف نەخێر.. دهێتە ئاسێكرن بۆ وى نينە بفرۆشيت يان بكەتە ديارى يان ئەو ژى بۆ ئێكى بكەتە وەقف، بەس بۆ وى هەيە ئەو مفاى ژ وەقفێ ببينيت دويف مەرجێ وەقفكەرى داناى، و هەكە مر ئەو وەقف نابيتە ميرات و ل سەر ميراتگران بێتە بەلاڤكرن، بەلێ ديارى دبيتە ميرات و دويف پشكێت شەرعى دهێتە بەلاڤكرن بۆ ميراتگران، و خودێ چێتر دزانيت.
