ب / هەركەسێ ديارى بێ بەرامبەر دابيت، و نە ل هيڤيا بەدەلڤەكرنێ و بۆ خودێ دابيت، نابيت ئەو لێڤە ببيت، و دياريا خۆ بزڤرينيتەڤە، و ئەڤە بۆچۆنا جمهورێ زانايانە، و حەرامە ئەو زڤرينا دياريا خۆ بخوازيت. بوخارى و موسلم ژ ئبن عەباس (خودێ ژێ رازی بیت) ڤەدگێرن، پێغەمبەرى (سلاڤێت خودێ لێ بن) گۆت: (الَّذي يعُودُ في هِبَتهِ كَالكَلبِ يرجعُ في قَيْئِهِ) ئەوێ ژ دياريا خۆ لێڤە ببيت وەكى سەيە ژ دلرابوونا خۆ دزڤريت. بەلێ بۆ بابێ هەيە ئەو دياريا دايە كورێ خۆ بزڤرينيت، ژبەر هەر ئەگەرەكێ ئەو ببينيت، چونكى خودانێت سونەنان ژ ئبن عومەرى و ئبن عەباسى خودێ ژ هەردوويان رازى بيت ڤەدگێرن، دبێژن: پێغەمبەرێ خودێ (سلاڤێت خودێ لێ بن) دبێژيت: (لا يحل للرجل أن يعطي عطيە أو يهب هبە فيرجع فيها إلا الوالد فيما يعطي ولده ومثل الذي يعطي العطية ثم يرجع فيها كمپل الكلب يأكل فإذا شبع قاء پم عاد في قيئه) نەدورستە بۆ چو مرۆڤان دانەكێ يان ديارەكێ بدەت، و لێ بزڤريت ژبلى بابێ د وى تشتيدا يێ ددەتە عەيالێ خۆ، و مەتەلا وى يێ دياريێ ددەت و پاشى لێڤەدبيت وەكى سەيە بخۆت و هەكە تێر بوو دلێ خۆ راكەت پاشى ل دلرابوونا خۆ بزڤريت. و د ڤەگێرەكا ديدا هاتيە: (العائِدُ في هِبَتِهِ كالعائدِ في قَيْئِهِ) يێ ل دانا خۆ دزڤريت وەكى ويە يێ ل دلرابوونا خۆ دزڤريت.
بەلێ هەكە ديارى بەرامبەر تشتەكى دابيت.. وەكى كور دياريآ بۆ خواستيا خۆ ببەت؛ دا بگەهنە ئێك و نەگەهنە ئێك و ژێكڤە ببن، هنگى دورستە دياريا خۆ بزڤرينيتەڤە. و هۆسا هەر دياريەكا ژ ڤى رەنگى بيت زانا دبێژن بۆ هەيە لێڤەببيت و دياريا خۆ بزڤرينيت، و خودێ چێتر دزانيت.
