ب / د بنياتدا هەمى ديارى سونەتە بێنە وەرگرتن، يا حەرام نە بيت، و مرۆڤ ل هيڤيێ نەبيت و جهێ مرۆڤى يێ بەرپرسياتيآ رێكێ ل مرۆڤى نەگريت، و ژ وان تشتان نەخاسمە ئەڤ هەرچار تشتە: باليفك و گولاڤ و شير و رحان، ل دۆر هەرسێ تشتێت ئێكێ پێغەمبەر (سلاڤێت خودێ لێ بن) دبێژيت: (ثلاث لا تُرَدُّ: الْوَسَائِدُ وَالدُّهْنُ وَاللَّبَنُ) سێ تشت ناهێنە زڤراندن باليفك و گولاڤ و شير، و بوخارى ژ ئەنەسێ كورێ مالكى (خودێ ژێ رازی بیت) ڤەدگێريت دبێژيت: پێغەمبەرێ خودێ (سلاڤێت خودێ لێ بن) بێهنخۆشى نەدزڤراند. و ل دۆر رحانێ موسلم ژ ئەبو هورەيرە (خودێ ژێ رازی بیت) ڤەدگێريت دبێژيت: پێغەمبەرى (سلاڤێت خودێ لێ بن) گۆت: (مَنْ عُرض عَلَيْهِ ريْحَانٌ، فَلا يرُدَّهُ، فَإنَّهُ خَفيفُ المَحْملِ، طيِّبُ الريحِ) پێغەمبەرێ خودێ (سلاڤێت خودێ لێ بن) گۆت: هەركەسێ رحان پێ هاتەدان بلا نەزڤرينيت، ب راستى هەلگرتنا وێ يا سڤكە و بێهنا وێ يا خۆشە، و خودێ چێتر دزانيت.
