ب / پشتى ئايەتيێت ميراتى هاتينە خوارێ.. خودێ مەزن مافێ هەر ميراتگرەگى ئاشكراكر و دايێ، ژبەر هندێ نەيا دورستە وەسيەت بۆ ئێك ژ ميراتگران بێتەكرن، نە سێك و نە ژ سێكێ كێمتر. د ڤەگێرا نەسائى و ترمزى و ئەبو داوود و ئبن ماجە و بەيهەقيدا هاتيە پێغەمبەر (سلاڤێت خودێ لێ بن) دبێژيت: (أَلا إِنَّ اللَّهَ قَدْ أَعْطى كُلَّ ذي حَقٍّ حَقَّهُ أَلا لا وَصِية لِوَارث) بزانن ب راستى خودێ هەر مافدارەكى مافێ وى يێ دايێ، بزانن وەسيەت بۆ ميراتگرى نينە. وەكى مە گۆتى چ سێك بيت يان كێمتر، بەلێ هەكە وەسيەت بۆ غەيرى ميراتگران بيت، دڤێت ژ سێكێ نەبۆريت، بوخارى و موسلم هەردوو ژ سەعدێ كورێ ئەبى وەقاسى (خودێ ژێ رازی بیت) كو ئێك ژ دەهانە يێت مزگينى ب بەحەشتێ بۆ هاتى ڤەدگێرن، دبێژيت: (جَاءَنِي رسولُ الله صَلّى اللهُ عَلَيْهِ وسَلَّم يعُودُنِي عَامَ حَجَّە الْوَداعِ مِنْ وَجعٍ اشْتدَّ بِي فَقُلْتُ: يا رسُول اللَّهِ إِنِّي قَدْ بلغَ بِي مِن الْوجعِ مَا تَرى، وَأَنَا ذو مَالٍ وَلاَ يرثنِي إِلاَّ ابْنة لِي، أَفأَتصَدَّق بثلُثىْ مالِي؟ قَالَ: لا، قُلْتُ: فالشَّطر يارسوُلَ الله ؟ فقالَ: لا، قُلْتُ فالثلُث يا رسول اللَّه؟ قال: الثلث والثلُث كثيرٌ أَوْ كَبِيرٌ إِنَّكَ إِنْ تَذرَ وَرثتك أغنِياءَ خَيْرٌ مِن أَنْ تذرهُمْ عالَة يتكفَّفُونَ النَّاس، وَإِنَّكَ لَنْ تُنفِق نَفَقة تبْتغِي بِهَا وجْهة الله إِلاَّ أُجرْتَ عَلَيْهَا حَتَّى ما تَجْعلُ في امْرَأَتكَ قَال: فَقلْت: يا رَسُولَ الله أُخَلَّفَ بَعْدَ أَصْحَابِي؟ قَال: إِنَّك لن تُخَلَّفَ فتعْمَل عَمَلاً تَبْتغِي بِهِ وَجْهَ الله إلاَّ ازْددْتَ بِهِ دَرجة ورفعة ولعَلَّك أَنْ تُخلَّف حَتَى ينْتفعَ بكَ أَقَوامٌ وَيُضرَّ بك آخرُونَ.) پێغەمبەرێ خودێ (سلاڤێت خودێ لێ بن) سالا حەجا خاترخواستنێ سەرا من دا، ژ نەساخيەكێ ل سەر من گران ببوو، ئينا من گۆتێ: ئەى پێغەمبەرێ خودێ ڤێ ئێشێ وەل من كر يا تو دبينى، و ئەز خودان مالم، و من چو ميراتخۆر نينن ميراتێ من بگەهيتێ، كچا من نەبيت، ئەز دوو سێكا مالێ خۆ نەكەمە خێر؟ گۆت: نە. ئينا من گۆت: پا نيڤێ ئەى پێغەمبەرێ خودێ؟ گۆت: نە. من گۆت: پا سێكێ ئەى پێغەمبەرێ خودێ؟ گۆت: سێك، سێك ژى گەلەكە يان يا مەزنە، ب راستى تو ميراتخۆرێت خۆ زەنگين بهێلى چێترە ژ هندێ د فەقير بن خواستنێ ژ خەلكى بكەن، و ب راستى نينە مەزاختنەكێ تو بمەزێخى مەخسەدا تە رازيبوونا خودێ بيت هەكە خودێ بۆ تە خێرێ نەنڤێسيت، حەتا ئەوا تو دكەيە د دەڤێ ژنا خۆدا ژى، ئينا من گۆت: ئەى پێغەمبەرێ خودێ.. ئەرێ ئەز دێ مينمە ل ڤێرێ و هەڤالێت من دێ من هێلن؟ (ترسيا ل مەكەهێ بمريت و دگەل پێغەمبەرى (سلاڤێت خودێ لێ بن) نەزڤريت و ئەڤە ل سەر وى يا گران بوو) ئينا گۆت: نينە تو ل ڤێرێ بمينى و كارەكى ژ كاران بكەى ئنيەتا تە پێ رازيبوونا خودێ بيت، هەكە خودێ دەرەجەكێ ل تە زێدە و بلند نەكەت و دبيت ژيێ تە درێژ ببيت هەتا هندە ملەت مفاى ژ تە بكەن هندەكێت دى زيانێ ژ تە بكەن (و ب راستى هەروەكى پێغەمبەرى (سلاڤێت خودێ لێ بن) گۆتى سەعەد هند ژيا هەتا عيراق ل سەر دەستێ وى ڤەبووي و هزارەها مفا ژێ وەرگرتى و ل سەر دەستێ وى موسلمان بووين).
و هەكە وەسيەت بۆ ميراتگرى كر ناهێتە ب جهئينان ب دوو مەرجان نەبيت:
ئێك: ئەڤێ وەسيەت كرى ل سەر عەقلێ خۆ بيت و يێ بالغ بيت و ل سەر نڤينا مرنێ نەبيت.
دوو: ميراتگرێت دى د رازى بن و رازيبوونا خۆ پشتى مرنا وى دياركەن نە د ژيانا ويدا، چونكى د ژيانا ويدا نەملكێ ويە هەتا يآ رازى بيت يان نە، بەلێ پشتى مرنێ ئەو بوو خودان و رازيبوونا وى كارلێكرن يا هەى، و دڤێت هەمى ميراتگر د رازى بن هەتا وەسيەت هەمى بێتە ب جهئينان، و هەكە هندەك رازي بوون و هندەك نە، پشكا ئەوێت رازى دآ هێتە ب جهئينان و پشكا ئەوێت نەرازى ناهێتە ب جهئينان. بەلگە ل سەر ڤێ چندآ ڤەگێرا دارەقوتنيە ئەڤا دبێژيت پێغەمبەرى (سلاڤێت خودێ لێ بن) دبێژيت: (لا وصيە لوارث إلا أن يجيز الورثة) و د ڤەگێرەكا ديدا دبێژيت: (لا تجوز وصيە لوارث إلا أن يشاء الورثة ) وسيەت بۆ چو ميراتگران نەدورستە ژبلى ميراتگر د رازيبن، و خودێ چێتر دزانيت.
