ب / يا فەرە هەميان ئاگەه ژ ئنيەتا خۆ هەبيت، و بزانن كا ئنيەتا وان چيە، چونكى هەمى كار و كريار ب ئنيەتانڤە د گرێداينە. هەروەكى پێغەمبەرێ خۆشتڤى (سلاڤێت خودێ لێ بن) د ڤەگێرا بوخارى و موسلميدا دبێژيت: (إنَّما الأَعمالُ بالنِّيات، وإِنَّمَا لِكُلِّ امرئٍ مَا نَوَى) ب راستى هەمى كار و كريار ب ئنيەتانە، و ب راستى بۆ هەر مرۆڤەكى كا چ ئنيەت ئينايە دێ ئەو بيت، ڤێجا هەكە ئنيەتا وان ئاخرەت نەبيت و ئاخرەتێ ژ كارێ خۆ نەخوازن، وان بڤێت خەلك مەدحێت وان بكەن و دەنگ و باسێت وان سەرآ گەشتێت دەنگ و باسان دەركەڤن، و پەيكەرێت وان بێنە چێكرن، خودێ وێ ددەتێ و ناڤ و دەنگێت وان دفرن و وان ئەڤە دڤێت، ڤێجا هەكە خودێ وآ بدەتێ يا دڤێت بۆچى ئەز و تو دآ خۆ نەرازى كەين بێژين بۆچى رۆژا قيامەتێ د بآ بەهرن. خودێ بەحسآ موسلمانى و نەموسلماني ب ڤى رەنگى دكەت: (( فَمِنَ النَّاسِ مَن يَقُولُ رَبَّنَا آتِنَا فِي الدُّنْيَا وَمَا لَهُ فِي الْآخِرَةِ مِنْ خَلَاقٍ ))(( وَمِنْهُم مَّن يَقُولُ رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ))(( أُولَٰئِكَ لَهُمْ نَصِيبٌ مِّمَّا كَسَبُوا وَاللَّهُ سَرِيعُ الْحِسَابِ)) و هندەك مرۆڤ يێت هەين دبێژن: خودايێ مە، د دنيايێدا بدە مە و د ئاخرەتێدا وان چو بار و پشك نينن، و هندەك ژى ژ مرۆڤان يێت هەين دبێژن: خودايێ مە تو د دنيايێدا قەنجيێ دگەل مە بكە و د ئاخرەتێدا ژى ، و مە ژ ئيزا و نەخۆشيا ئاگرێ دۆژەهێ بپارێزە، و ڤان ژبەر كار و كريارێت وان كرين بار و پشك ژ خێرێ يێت هەين و خودێ د حيسابێدا يێ دەست سڤكە، و خودێ چێتر دزانيت.
