ب : پێدڤیه هه‌ركاره‌كێ موسلمان تێدا ب شك و گومان بهێلیت و نێزیك نه‌بیت و خۆ ژێ بده‌ته پاش نه‌خاسمه حه‌رامی چونكی راستی كارلێكرنا وی گه‌له‌كه و حنێره‌كا مه‌زن یا هه‌ی پێغه‌مبه‌ر سلاڤێت خودێ ل سه‌ربن دبێژیت: (دَعْ ما يَرِيبُكَ إلى ما لَا يَرِيبُكَ) تشتێ تۆ تێدا ب گومان بهێله و هه‌ره یێ تۆ تێدا نه ب ب شك و گومان و هزراخۆ بكه ماده‌م تۆ ئه‌ندازیارێ سه‌ر په‌رشتی دێ ل به‌رچ دیاریا ده‌ته ته هه‌كه چ نه‌بیت شوبهه و گومانا د تێدا پێغه‌مبه‌ر سلاڤێت خودێ ل سه‌ربن دبیژیت: (فَمَنْ اتَّقَى الشُّبُهَاتِ اسْتَبْرَأَ لِدِينِهِ وَعِرْضِهِ وَمَنْ وَقَعَ في الشُّبُهَاتِ وَقَعَ في الْحَرَامِ) یێ خۆ ژ گومانان داپاش ئه‌ڤه وی خۆ و دینێ خۆ پارازت و یێ كه‌فته دگوماناندا كه‌فته دحه‌رامیدا ژ به‌رهندێ عومه‌رێ كورێ خه‌تابی خودێ ژێ رازی بیت دگۆت مه سه‌حابان نه‌ھ پشكێت حه‌لالی سه‌رخاترا پشكه‌كێ دهێلان ترسا هندێ ئه‌و پشك حه‌رام بیت و ب كه‌ڤینه دحه‌رامیدا و بێ گومان ئارمانجا پشت وان دیاریارا ئه‌وه ئه‌و ئه‌ندازیار چاڤێ خۆ ژ گه‌له‌ك كێماسیان بنقینیت و بلا بزانیت ئه‌و نوینه‌رێ ده‌سهه‌لاتێیه و چاڤێ وانه ل سه‌ر وی كاری و نابیت ئه‌و خیانه‌تێ بكه‌ت و دیاری وه‌رگرتن دڤی كراسیدا هه‌ر وه‌كێ د ڤه‌گێرا ئیمام ئه‌حمدیدا هاتی: (هدایا العمال غلول) دیاریێت كاربده‌ستان خیانه‌ته ڤێجا رێزدارێ ئه‌ندازیار به‌رێ خۆ بده خوارن و ڤه‌خوارنا خۆ تێكه‌لی حه‌رامی نه‌كه، چونكى هه‌كه ته بڤێت دوعايێت قه‌بويل ببن دڤێت باش يێ هشيار بی، و ب چو ره‌نگان تێكه‌لى حه‌رامى نه‌بی، و چو هێجه‌تا بۆ خۆ نه‌گری بێژی: شۆلێ ئه‌ڤرۆ يێ وه‌لێهاتى، هه‌كه مرۆڤ ده‌رگه‌هێت حه‌رامى نه‌قوتيت مرۆڤ ناژيت. ب راستى ئه‌ڤه ژ بانگ و ئاوازێت شه‌يتانينه، خوارنا حه‌رامى عيباده‌تێ مرۆڤى پويچ دكه‌ت و دوعايێت مرۆڤى ژى.
پێغه‌مبه‌ر (سلاڤێت خودێ لێ بن) ـ پشتى سه‌عدێ كورێ ئه‌بى وه‌قاسى گۆتيێ بۆ من دوعا بكه ئه‌ز ژ وان بم يێت خودێ دوعايێت وان قه‌بويل دكه‌ت ـ دبێژيت: ((سه‌عد.. خوارنا خۆ حه‌لالكه، دێ ژ وان بى يێت دوعايێت وان قه‌بويل دبن، ئه‌ز ب وى كه‌مه يێ جانێ موحه‌ممه‌دى د ده‌ستێ ويدا زه‌لامێ هه‌ى پاريه‌كى ب تنێ ژ حه‌رامى دهاڤێژيته د زكێ خۆدا چل رۆژان ژێ ناهێته قه‌بويلكرن، و هه‌ر به‌نده‌يه‌كێ گۆشتێ وى ب حه‌رامى و ب سه‌له‌فێ (ريبايێ) راببيت ئاگر هه‌ژى ويه)). ئيمام ئبن مرده‌وه‌يهى ڤه‌گێرايه. باش به‌رێ خۆ بدێ هه‌ى خودان باوه‌ر كا حنێرا پاريه‌كي ب تنێ ژ حه‌رامى چه‌نده؟! ناهێليت عيباده‌ت و دوعايێت مرۆڤى د چل رۆژاندا بلند ببن و بێنه قه‌بويلكرن، پا تو چ دبێژى بۆ وى يێ د ناف حه‌راميدا خه‌ندقى؟! و چو شك تێدا نينه قه‌بويلكرنا دوعا كه‌ره‌مه‌كا زێده‌يا مه‌زنه، هه‌چيێ ژێ زرِباربوو و ژێ بێ پشك و باربوو، ب راستى ئه‌و ژ خێر و كه‌ره‌مه‌كا مه‌زن بێ باربوو، چونكى دوعا ل ده‌ف خودێ زێده يا ب قه‌دره، و به‌سه تو بزانى پێغه‌مبه‌ر (سلاڤێت خودێ لێ بن) دبێژيت: ((قه‌درترين عيباده‌ت ل ده‌ف خودێ دوعايه)). ئيمام ترمزى و ئبن ماجه ڤه‌گێرايه. و چونكى دوعا به‌لا و نه‌خۆشيێت مه‌زن يێت هاتين و نه‌هاتين ژ مرۆڤى دده‌ته پاشى. و ل سه‌ر ڤێ پێغه‌مبه‌رێ خۆشتڤى ئه‌مر دكه‌ت: ((زه‌لامێ هه‌ى يێ وه‌غه‌ردرێژه و سه‌ر قژه‌ڤژ و تۆزكيه، ده‌ستێت خۆ بلند دكه‌ته عه‌سمانى خودێ وۆ.. خودێ وۆ.. و خوارنا وى يا حه‌رامه و ڤه‌خوارنا وى يا حه‌رامه و جلكێ وى يێ حه‌رامه، و ب حه‌رامى يێ رابووى، ڤێجا ما چاوا دێ ژێ هێته قه‌بويلكرن)). ئيمام موسلم و ئيمام ئه‌حمه‌د ڤه‌گێرايه. پێنج: به‌رێ خۆ بدێ گاڤا تو دوعايێ دكه‌ى كا دلێ ته يێ چاوايه؟ و كا ب راست و دورستى دگه‌ل خودێيه؟ و ترسا خودێ ب دورستى تێدا هه‌يه ئان نه؟ و كا تو هه‌ست ب مه‌زناتيا خودێ ب راست و دورستى دكه‌ى ئان نه؟ چونكى خودێ دوعا ژ دلێ بێ ئاگه‌ه و هاى ژ خۆنه قه‌بويل ناكه‌ت، راسته دوعا ده‌رمانه‌كێ كاريگه‌ره و يێ ب هێزه، به‌لێ بێ ئاگه‌هيا دلى هێزا وى لاواز دكه‌ت هه‌روه‌كى حه‌رامى هێزا دوعايێ لاواز دكه‌ت. (عه‌بدوللايێ كورێ ئيمام ئه‌حمد)ى ژ بابێ خۆ ڤه‌دگوهێزيت (خودێ ژێ رازى بيت)، دبێژيت: (نه‌خۆشى و به‌لايه‌ك گه‌هشته ئيسرائيليان، ئينا ده‌ركه‌فتنه‌كێ ده‌ركه‌فتن ـ دا پێكڤه بۆ خۆ دوعا بكه‌ن ـ خودێ وه‌حى بۆ پێغه‌مبه‌رێ وان هنارت كو بێژيته وان: هوين ب له‌شێت پيس (گونه‌هكار) ده‌ركه‌فتينه ده‌شتێ، و هوين هنده ده‌ستان بلند دكه‌نه من، يێت هه‌وه خوين پێ رژتين، و هه‌وه خانيێت خۆ پێ تژى حه‌رامى كرين، و پشتى كه‌ربا من ل سه‌ر هه‌وه زێده‌بووى، ژ نوى دبيته لاڤلاڤا هه‌وه. چو بۆ هه‌وه ژ من زێده نابيت دويركه‌فتنا هه‌وه ژ من نه‌بيت.
