ب : خه‌ونا چاك ئه‌وه یا وه‌كی خۆ دهێته ڤه، و مرۆڤ چه‌ند یێ دویری دره‌وێ بیت و یێ راستگوبیت هند خه‌ون دێ یێت چاك و راستبن، پێغه‌مبه‌ر سلاڤێت خودێ ل سه‌ربن دبێژیت : (إِذَا اقْتَرَبَ الزَّمَانُ لَمْ تَكَدْ رُۆيَا الْمُۆمِنِ تَكْذِبُ وَأَصْدَقُهُمْ رُۆيَا أَصْدَقُهُمْ حَدِيثًا) هه‌كه قیامه‌ت نێزیك بوو نێزه‌كه خه‌ونا باوه‌ریدای دره‌و نه ده‌ركه‌ڤیت و یێ خه‌ونا وی دورستر ئه‌وه راستگوتر دئاخفتنێدا و خه‌ون سێ جوینن هه‌روه‌كی پێغه‌مبه‌ر سلاڤێت خودێ ل سه‌ر بن دبێژیت: (الرؤيا ثلاث: فبشرى من الله ، وحديث النفس ، وتخويف من الشيطان ، فإذا رأى أحدكم رؤيا تعجبه فليقص إن شاء، وإن رأى شيئا يكرهه فلا يقصه على أحد ، وليقم يصلي) خه‌ون سێنه مزگینیه ژ خودێ و ئاخفتنا ده‌رونییه و ترساندنه ژ شه‌یتانی ڤێجا هه‌كه ئێك ژ هه‌وه خه‌ونه‌ك خوش دیت هه‌كه ڤیا بلا بێژیت و هه‌كه خه‌ونه‌كا نه‌خوش دیت بلا بۆ كه‌سێ نه‌بێژیت و بلا رابیت نڤێژه‌كێ بكه‌ت و دبوخاریێدا هاتیه ژ پێغه‌مبه‌راتیێ ژ بلی مزگینیان نه ماینه گوتنێ یا پێغه‌مبه‌رێ خودێ مزگینی چنه گۆت: خه‌ونێت خۆش و چاكن ( لم يبق من النبوه إلا المبشرات . قالوا : وما المبشرات؟ قال : الرۆيا الصالحه ) ڤێجا به‌لێ خه‌ونا موسلمانێ دیندار دبیت ببیته مزگینی بۆ و دیسا خه‌ونا باش دبیت یێ خراب ژی هنده جاران بینیت ببیته هشیاركرن بۆ وی و ل خۆ ب زڤریت و مه یا گولێ بووی گه‌له‌ك گونه‌هكار ب خه‌ونا یێت هشیاربوون و ئاگه‌ه ژ خۆ بووین و ل خۆ زڤرین و رێكا گونه‌هێ و خرابیێ هێلای دوعا ژ خودێ دكه‌ین خه‌ونێت مه ره‌نگێ ئێكێ بن ئه‌و خه‌ونێت ببنه مزگینیا ب له‌ز ژ لایێ خودێڤه بۆ مه و خودێ چێتر دزانیت.
