بەرسڤێت شەرعى ل دۆر پرسێت جودا جودا

ب : هه‌لبه‌ت ئه‌ڤ حه‌دیسه‌ یا دورسته‌، و ژ ڤه‌گێرانا بوخاریه‌ خودێ ژێ رازی بیت، و رامان ئه‌ڤه‌یه:‌ خودێ حه‌ز ژ بێهنشكێ دكه‌ت و باوشك نه‌ڤێت، ئبن حه‌جه‌ر خودێ ژێ رازی بیت ژ ئبن خه‌طابی خودێ ژێ رازی بیت ڤه‌دگوهێزیت دبێژیت: حه‌ز ژێ كرن و نه‌ حه‌ز ژێ كرن دزڤریته‌ ئه‌گه‌را هه‌ردوكاندا، باوشك ئه‌گه‌رێ وێ له‌شگرانیه،‌ ب هه‌ر ئه‌گه‌ره‌كێ هه‌بیت، چ ژ زك پریێ بیت یان هه‌ر ئه‌گه‌ره‌كێ دی بیت، و خودێ حه‌ز ژ له‌شگرانیێ ناكه‌ت، و ئه‌گه‌رێ بێنژكێ راوستیانه‌ك دكه‌ڤیته‌ دلی و ب بێنشكێ كاردكه‌ت و له‌شسڤكیێ دده‌ته‌ مروڤی، و ژبلی ڤێ ژی یێ دبێهنژیت حه‌مدا خودێ دكه‌ت، و یێ گولێ بۆ داخوازا دلوڤانیا خودێ بو دكه‌ت، و ئه‌وی دوعا كاروبار و ره‌و‌ش باشیێ بۆ وی دكه‌ت ئه‌ڤه‌ هه‌می خودێ حه‌ز ژێ دكه‌ت و كه‌ربێت شه‌یتانی پێ ڤه‌دبن، ئها ل ڤێرێ خودێ حه‌ز ژێ دكه‌ت، ب كورتی بێهنژك له‌شسڤكیێ بۆ عیباده‌تی د ده‌ته‌ مه‌ و باوه‌شك به‌رۆڤاژی له‌شگرانیێ د ده‌ته ‌مرۆڤی، ژ به‌رهندێ یا ئێكێ خودێ حه‌ز ژێ دكه‌ت، و یا دویێ حه‌ز ژێ ناكه‌ت، به‌لێ ئه‌ڤه‌ هندێ ناگه‌هینیت مرۆڤ ب ده‌ستێ خۆ بێنشكا خۆ بینیت و زێده‌كه‌ت و هه‌تا سێ جاران وێ مافی ل سه‌ر گه‌هدارێ خۆ هه‌ی هه‌كه‌ حه‌مدا خودێ كر دوعا بۆ بكه‌ت و بێژتێ خودێ رحمه‌تێ ب ته‌ ببه‌ت و هه‌كه‌ ژ سیان پتر لێ هات بلا دوعا سلامه‌تیێ بۆ بكه‌ت و خودێ چێتر دزانیت.