ب : یا فه‌ره ئه‌م هه‌می كاروبارێت خۆدا بزڤرینه پێغه‌مبه‌ری سلاڤێت خودێ ل سه‌ربن، و ل دویف وی بچین و چاڤ ل وی بكه‌ین، و بزانین كاو ی چ دكر ئه‌م وێ بكه‌ین، و چ دگۆت ئه‌م وێ بێژین، و یا خه‌له‌ته ئه‌م ل ده‌ف خۆ یان ژ چاڤلێكرنه‌كا كوره كاری بكه‌ین و ئاخفتنێ بێژین، و ده‌مێ پێغه‌مبه‌ر سلاڤێت خودێ ل سه‌ربن دبێهنژی دگۆت: الحمد لله، و دڤێت ئه‌م ژی هه‌ر ڤێ بێژین، بوخاری خودێ ژێ رازی بیت د ئه‌ده‌ب لموفره‌ددا دبێژیت: كوره‌كێ ئبن عومه‌ری، خودێ ژێ رازی بیت ل ده‌ف بێهنژی گۆت: ئابب، ئینا ئبن عومه‌ری گۆتێ: ئابب چیه؟! وه‌نه‌به‌ژه ئه‌ڤه شه‌یتانه ئابێ دئێخیته دناڤبه‌را بێنشكێ و وحه‌مدكرنێدا، و ل ده‌ف نه‌سائێ و ئه‌بو داود هاتیه زه‌لامه‌ك ل ده‌ف پێغه‌مبه‌ری سلاڤێت خودێ ل سه‌ربن بێنژی و گۆت : السلام علیكم ئینا پێغه‌مبه‌ری سلاڤێت خودێ ل سه‌ربت گۆتێ: (عليك وعلى أمك، ثم قال: إذا عطس أحدكم فليحمد الله) سلاڤ ل سه‌رته و سه‌ر دایكا ته‌بن، هه‌كه ئێك ژ هه‌وه بێهنژی بلا حه‌مدا خودێ بكه‌ت ئانكو بێژیت: (الحمد لله).
