ب : نه‌خێر نه دورسته، یا دورست ئه‌م به‌س وێ بێژین یا پێغه‌مبه‌ری سلاڤێت خودێ ل سه‌ربن گۆتی، بێ زێده‌یی و كێماسی، تورمذی و حاكم ژ نافعی ڤه‌دگێرن دبێژیت: زه‌لامه‌ك ب ره‌خ ئبن عومه‌ریڤه خودێ ژێ رازی بیت بێهنژی و گۆت: الحمد لله والصلاه والسلام علی رسول الله، ئینا ئبن عومه‌ری گۆتێ ئه‌ز ژی دبێژم: الحمد لله والصلاه والسلام علی رسول الله، به‌لێ هوسا پێغه‌مبه‌ری سلاڤێت خودێ ل سه‌ربن نیشا مه نه‌دایه، نیشا مه یێ دای هه‌كه ئێكێ ژ مه بێهنژی بێژیت: الحمد لله علی كل حال، ژ به‌ر هندێ ئیمامێ نه‌وه‌وی خودێ ژێ رازی بیت دبێژیت: هه‌كه ئێكێ ژ حه‌مدێ زێدتر گۆت ته‌شمیتا وی نا هێته‌كرن ئانكو دوعایا ره‌حمێ بۆ ناهێته‌كرن و خودێ چێتر دزانیت.
