ب : راسته ئه‌وێ خودێ كه‌ره‌مێ ل گه‌ل دكه‌ت و حه‌جێ و شه‌نگستێ پێنجێ بۆ ساناهی دكه‌ت كه‌ره‌مك و خه‌لاته‌كێ مه‌زن ل گه‌ل كر و دلخوشیه‌كا مه‌زن بو چێكر و ئه‌ڤه دخوازیت كه‌یفا مه ژی بو كه‌یفا وی بهێت و هه‌ژییه پێرۆزباهی لێ بهێته‌كرن و سه‌ره‌دانا وی بهێته‌كرن؛ دا لێ پیروزكه‌ین و ژێ بخوازین دوعا بو مه بكه‌ت؛ چونكی نێزیك یێ ژ رێ و رسمێت حه‌جێ ده‌ركه‌فتی و نێزیك یێ ژ كه‌عبێ و مزگه‌فتا پێغه‌مبه‌ری سلاڤێت خودێ ل سه‌ربن هاتێ، و دعایێت وی یێت جوینكار (نه‌وعی) وب بهانه، و دڤێت به‌س بو ڤێ مه‌ره‌مێ ئه‌م سه‌را بده‌ین، نه ب چو مه‌ره‌مێت دی، هیڤیا دیارایا و تشته‌كێ دی؛ چونكی حه‌ج ب خۆ په‌رستنه‌ك و عیباده‌ته‌كێ له‌شی و دراڤییه (مالییه) و هه‌ركه‌سێ دچیته حه‌جێ پشكه‌كێ ژ دراڤێ خۆ دمه‌زێخینیت و هه‌كه دیاریا ژی ئه‌م ل سه‌ر بكه‌ینه مال، ئه‌ڤه مه بارێ وی گرانكر، و ئه‌ڤه گونه‌هه، و ژبلی ڤێ ئه‌ڤه دێ بیته ئه‌گه‌ر گه‌له‌كێت حه‌ج ل سه‌ر نه چنه حه‌جێ؛ چونكی هه‌كه وی پارێت حه‌جێ هه‌بن و بشێت یچیت، وی پارێت دیاریا نینن؛ ژ به‌رهندێ دێ حه‌جا ئه‌رك و فه‌رز ژ خۆ به‌ت؛ ژبه‌ر وان دیاریا، به‌رێ خۆ بدێ ئه‌ڤ دیتنه چه‌ندا زیانكاره ل سه‌ر پتر ژ ئاسته‌كێ، ژبه‌ر هندێ نا بیت ئه‌م ب مه‌ره‌ما دیاری وه‌رگرتنێ سه‌را حه‌جیان بده‌ین، و نابیت ئه‌م نه‌كامیا وان بكه‌ین و خۆ عێجزكه‌ین، و هه‌كه مه وه‌كر ئه‌م یێت گونه‌هكارین و خودێ چێتر دزانیت.
