ب : بێ گومان ئه‌ڤه جهێ نه‌لێكێیه دناڤبه‌را زانایاندا گه‌له‌ك دبێژن نابیت مزگه‌فتێڤه بێته گازیكرن بو هه‌ر تشته‌كێ به‌رزه‌بووی؛ چونكی دڤه‌گێرا موسلمیدا هاتیه پێغه‌مبه‌ر سلاڤێت خودێ ل سه‌ربن دبێژیت: (إذا سمعتم من ينشد ضالة بالمسجد فقولوا له لا ردَّها الله عليك فإن المساجد لم تبن لذلك) هه‌كه هه‌وه گولێ بوو ئێك ل مزگه‌فتێ ب ده‌نگێ بلند ل تشته‌كێ دگه‌ریت بێژنێ خودێ بو ته نه زڤرینیت، مزگه‌فت بو هندێ نه هاتینه ئاڤاكرن، و خودانێت ڤێ بوچونێ ڤێ به‌لگه‌ی گشت ددانن و دبێژن نابیت بو چ تشتان ل مزگه‌فتێ بێته گازیكرن.
و هنده زانایێت دی وه‌كی ئبن عه‌ره‌فه ژ مالكیان دبێژیت مه‌خسه‌د ب ضالێ ل ڤێرێ حێشتره یا نه‌گرێدایی و ژ بچویكی ناگریت و مه‌ره‌م ژێ كێمكرنا دونیایێیه و ب راستی ژی هه‌ر ئه‌ڤه پێ مه‌ره‌مه؛ چونكی د حه‌دیسا بوریده‌دا هاتیه هه‌ر دڤه‌گێرا موسلمیدا: (أَنَّ رَجُلا نَشَدَ في الْمَسْجِدِ فقال من دَعَا إلى الْجَمَلِ الأحْمَرِ فقال النبي صلی الله عليه وسلم لا وَجَدْتَ إنما بُنِيَتْ الْمَسَاجِدُ لِمَا بُنِيَتْ له) زه‌لامه‌ك هاته مزگه‌فتێ ب ده‌نگ ل حیشتره‌كا سور دگه‌ریا ئینا پێغه‌مبه‌ری سلاڤێت خودێ ل سه‌ربن گۆتی ئه‌و كیه ل حێشترا سور دگه‌ریت نه‌بینی ب راستی مزگه‌فت یێت هاتین ئاڤاكرن بو تشتێ هاتیه ئاڤاكرن، و ناكه‌ڤیته عه‌قلی ئه‌ڤه ژ مرۆڤی بچیكی و پیره‌ژنێ و پیره‌مێری بگریت چاوا دێ پێغه‌مبه‌ر سلاڤێت خودێ ل سه‌ر بێژیت بێژنه وی یێ جه‌گه‌را وی به‌رزه‌بووی خودێ بو ته نه زڤرینیت، ئه‌ڤه زیانه بو بابێ و مرۆڤێت وی، و زیانه بو وی ژی. ما گونه‌ها وی چیه ڤێ دوعایێ بكه‌ی نه هێیه دیتن؟!!! و زانا دبێژن نهینی و حكمه‌ت ژڤێ فه‌رمان بێژینه وی یێ ب ده‌نگێ بلند ژ تشتێ به‌رزه‌بووی ل مزگه‌فتێ لێ دگه‌ریت خودێ بو ته نه زڤرینیت دا ئاشكرا كه‌ت تشتێ دونیایێ بهایێ خۆ نینه و مزگه‌فت بو هندێ نه هاتینه و مزگه‌فتێ حورمه‌تا خۆ یا هه‌ی، به‌لێ مرۆڤی ژی د ئیسلامێدا حورمه‌تا خۆ یا هه‌ی و پاراستنا روحان ژ ئارمانجێت سه‌ركییه دئیسلامێدا ژبه‌ر هندێ ئه‌ز دبینم دورسته بۆ به‌رزه‌بوویێ مرۆڤ ل مزگه‌فتێ بێته گازیكرن و ئه‌ڤه ناكه‌ڤیته بن حه‌دیسا بوریڤه و خودێ چێتر دزانیت.
