ب : ره‌وشه‌كا ئاسییه مرۆڤ هنده خه‌ونێت نه خۆش و ب ترس بینیت، و چاره ئه‌ڤه‌یه هه‌روه‌كی پێغه‌مبه‌ر سلاڤێت خودێ ل سه‌ربن دبێژیت، ئه‌و ره‌خێ خه‌ون ل سه‌ر دیتی ب گوهوریت و بێژیت (اعوذ بالله من الشیطان الرجیم و اعوذ بالله من شرها) یا خودێ ئه‌ز خۆ ب ته ژ شه‌یتانی و خرابیا ڤێ خه‌ونێ دپارێزم و پاشی ل سه‌ر ملێ خۆ یێ چه‌پێ بۆ نیشان سێ جاران تفه‌كا سڤك بكه‌ی ب ئانه‌هیا خودێ زیان نا گه‌هیته ته و خواندنا دوعا و زكری ل گه‌ل كرنا گونه‌هان و دل و ئه‌زما پێكڤه نه هێنه گرێدان مفای نا ده‌ت؛ چونكی راستی زكر و دوعا چه‌كه‌كێ ب هێزه به‌لێ كه‌نگی دێ كارێ خۆ كه‌ت وه‌كی چه‌كێ ب هێز هه‌كه ژ مرۆڤه‌كێ ئیمان و باور هێز بهێت چونكی چه‌كێ ب هێز هه‌كه نه دده‌سته‌كێ ب هێزدابیت و د زه‌نده‌كێ ب هێزدا نه‌بیت بلا ئه‌و چه‌ك چه‌ندێ ب هێز بیت مفادار نابیت هوسا دوعا و زكر ژی چه‌كه به‌لێ دڤێت ژ دله‌كێ بێ ئاگه‌هـ و غافل نه بیت، و هه‌كه گێران و گوتنا زكران ب ئه‌ز مانی تنێ بیت و دل و ئه‌زمان یێت ژێك دویر بن دڤێ ره‌وشێدا دوعا و زكر قه‌بویل نابن و زكر ڤه‌گێران كارتێكرنێ ناكه‌ت و بۆ ڤێ راستیێ پێغه‌مبه‌ر سلاڤێت خودێ ل سه‌ربن دبێژیت: (ادعوا الله وأنتم موقنون بالإجابة، واعلموا أن الله لا يستجيب دعاء من قلب غافل لاه) دوعا بكه‌ن و هه‌وه باوه‌ریه‌كا موكوم ب قه‌بویلبوونا وان هه‌بیت و ب زانن خودێ دوعایێ ژ دلێ بێ ئاگه‌ھ و مژویل نا وه‌رگریت و خودێ چێتر دزانیت.
