ب : هه‌ر میراته‌ك دایك و باب پاشخۆڤه بهێلن، و ملكێ وان یێ دورست بیت، عه‌رد بیت عه‌ردێ ئاڤاكرنێ بیت یان یێ چاندنێ بیت، یان پاره‌بن یان ئاڤاهی بیت، دویف ڤێ ئایه‌تێ دێ ل سه‌ر كور و كچان هێته لێكڤه‌كرن : (يُوصِيكُمُ اللَّهُ فِى أَوْلادِكُمْ لِلذَّكَرِ مِثْلُ حَظِّ الأُنْثَيَيْنِ) و نابیت كچ و ژن ژ چ میراتی بێنه زرباركرن، به‌لێ هنده عه‌ردی هه‌ی نه مولكێ بابینێیه دبێژنێ (اصلاح زراعی یان میری) ئه‌ڤ عه‌رده ل دویف قانونێ دێ هێته به‌لاڤكرن، پشتی باب دمریت؛ چونكی دبنیاتدا ئه‌و نه مولكێ بابێیه به‌لێ ده‌وله‌تێ یێ دایه ڤێ؛ دا چێكه‌ت و ب چینیت و مفای ژێ وه‌رگریت، ئه‌ڤ عه‌رده كا یاسایا ده‌وله‌تێ چ دبێژیت چاوا دانایه وه‌سا دێ هێته به‌لاڤكرن، دبیت كچ و كور وه‌كی ئێك وه‌رگرن، و دبیت ب ره‌نگه‌كێ دی، زانایێ حه‌نه‌فی ده‌ردیر دبێژیت: هه‌كه عه‌رد نه مولك بیت و یێ چاندنێ بیت نه یێ ئاڤاكرنێ و رێنمایی و یاسا نه‌بیت، كاد ێ چاوا هێته لێكڤه‌كرن، هنكی دێ زڤرنه عورف و عه‌ده‌تا، كا دویف عه‌ده‌تان چاوا به‌لاڤدكه‌ن، دێ وه‌سا به‌لاڤكه‌ن؛ چونكی ئه‌و نه ژ میراتی دهێته هه‌ژمارتن هه‌تا ل دویف پشك و بارێت دقورئانێدا دیاركری بێته به‌لاڤكرن، ئه‌ڤه هه‌كه ئه‌و عه‌ردێ میری یان یێ ئیصلاح زراعی نه هاتبیته طاپوكرن، به‌لێ هه‌كه هاتبیته طاپوكرن ئه‌و بۆ میرات و ل دویف پشك و باران دێ هێته به‌لاڤكرن و خودێ چێتر دزانیت.
