ب / دورستى و نه‌دورستى دمينيته سه‌ر وێ نامێ و وى ده‌زگه‌هى، و ئنيه‌تا مرۆڤى، هه‌كه ناڤه‌رۆكا نامێ نه‌يا دورست بيت، و ئه‌و ده‌زگه‌هـ هاريكاريا خرابى و بێ سنجيێ دكه‌ت.. په‌يوه‌نديكرن ب ده‌زگه‌هيڤه يا حه‌رامه، بۆ كچ و كوران؛ چونكى خودێ مه‌زن ئه‌مرێ مه دكه‌ت دبێژيت: ((وَلَا تَعَاوَنُوا عَلَى الْإِثْمِ وَالْعُدْوَانِ)) ئانكو: و ل سه‌ر گونه‌هـ و ده‌ست درێژيێ هاريكارێت ئێك نه‌بن. به‌لێ هه‌كه ناڤه‌رۆكا نامه‌يێ خێربيت، و ده‌زگه‌هه‌كێ باشه و هاريكاريا خێرێ دكه‌ت و گازى خێرێ و باشيێ دكه‌ت و ئنيه‌تا مرۆڤى ژى يا خێرێيه دورسته په‌يوه‌ندى و نامه‌هنارتن دگه‌ل بێته‌كرن چ كور بيت چ كچ، چونكى خودێ مه‌زن ئه‌مرێ مه دكه‌ت هاريكارێت هه‌ڤ بين ل سه‌ر باشيێ، دبێژيت: ((وَتَعَاوَنُوا عَلَى الْبِرِّ وَالتَّقْوَىٰ)) ئانكو: و ل سه‌ر باشى و پارێزكاريا خودێ هاريكارێت ئێك بن. ديسا ئه‌مر دكه‌ت: ((وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُولَٰئِكَ هُمُ الْمُفْلِحُونَ )) ئانكو بلا هوين هه‌مى ببنه مله‌ته‌ك، داخوازا قه‌نجيێ بكه‌ن و فه‌رمانا چاكيێ بكه‌ن، و خه‌لكى ژ خرابيێ بده‌نه پاش، و هه‌ر ئه‌ڤه‌نه د سه‌رفه‌راز. و دويماهيێ فه‌ره بێژين: دڤێت ئه‌م ژ خودێ بترسين و ژ ده‌ف خۆ فه‌رمانا نه‌ده‌ين و بێژين ئه‌ڤه حه‌لاله ئه‌ڤه حه‌رامه هۆسا ساده، چونكى حه‌لالكه‌ر و حه‌رامكه‌ر به‌س خودێيه، و ئه‌وێ له‌زێ ل حوكم و فه‌رمانان دكه‌ت بلا بزانيت ئه‌و يآ شوينا خودآ ڤێ فه‌رمانآ دده‌ت، و هه‌كه نه‌يا دورست بيت ئه‌ڤه جهێ ترسێيه چونكى هاتيه زانين د ناف زاناياندا يێ حه‌لاله‌كى ئاشكرا حه‌رامكه‌ت يان حه‌رامه‌كى ئاشكرا حه‌لالكه‌ت ئه‌و كافر بوو، ژبه‌ر هندێ بلا ئه‌م دياركرنا حوكمێ تشتى بهێلينه ب هيڤيا بسپۆرانڤه هه‌كه ئه‌م نه‌زانين و ئه‌م ژ ده‌ف خۆ حوكم و فه‌رمانان نه‌ده‌ين، و د ڤى بواريدا خودێ مه‌زن دبێژيت: ((فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ)) ﭼئانكو: ئه‌گه‌ر هوين نه‌زانن ژ زانا و خودان زانينان بپرسن و ژ ده‌ف خۆ و بێ زانين فه‌رمانان نه‌ده‌رێخن، و خودێ چێتر دزانيت.
