ب / هه‌كه نه‌موسلمان جوى و فه‌له بن ئانكو: خودان كتێب بن زادێ وان و ده‌ستكوژێ وان ـ ئه‌و گيانه‌وه‌رێ وان ڤه‌كوشتى ـ يێ حه‌لاله و دورسته، و حه‌ديسێت پێغه‌مبه‌رى (سلاڤێت خودێ لێ بن) و قورئانا پيرۆز ده‌ستكوژێ وان حه‌لال دكه‌ن. خودێ مه‌زن دبێژيت: ((وَطَعَامُ الَّذِينَ أُوتُوا الْكِتَابَ حِلٌّ لَّكُمْ )) ئانكو: ده‌ستكوژێ فه‌له و جوهيان بۆ هه‌وه يێ حه‌لاله، به‌لێ نه‌موسلمان ژبلى جوهى و فه‌له‌يان ڤێجا چ مه‌جووسى بن چ موشرك بن، چ ئه‌وێت بن يێت سه‌ردا چۆين و ئيسلام هێلاين ده‌ستكوژێ وان يێ حه‌رامه و نه‌يێ دورسته به‌لێ خوارنا زادێ وان يێ عادى دورسته چو تێدا نينه. ئه‌ڤه هه‌كه ئه‌و خوارن و ڤه‌خوارن گۆشت بيت و وان ڤه‌كوشتبيت، به‌لێ هه‌كه خوارنا ياسايى بيت پێخوارن بن يان گرار و ئافك و نان بن حه‌لاله و دورسته ئه‌و نه‌موسلمان كى بيت موشرك بيت يان كافر يان بووزى و هۆسا، و خودێ چێتر دزانيت.
