به‌رسڤێت شه‌رعى ل دۆر حه‌لالى و حه‌رامى

ب / هه‌رگاڤا بابێ ژن ماره‌كر ـ چ ڤه‌گوهێزيت يان نه‌ڤه‌گوهێزيت ـ بۆ كورى نينه‌ ئه‌و وێ ژنێ بۆ خۆ بينيت و هه‌تا هه‌تا ئه‌و ژن ل سه‌ر كورى يا حه‌رامه‌ رێز و حورمه‌تگرتن بۆ بابێ، و هه‌كه‌ ماره‌كر هنده‌ زانا دبێژن دڤێت بێته‌ كوشتن. به‌رائێ كورێ عازبى (خودێ ژێ رازى بيت) دبێژيت: مامێ من حارسێ كورێ عومه‌يرى د به‌ر منرا بۆرى و ئالايه‌ك د ده‌ستيدا بوو پێغه‌مبه‌رى (سلاڤێت خودێ لێ بن) دابوو ڤێ، من گۆتێ: مام.. پێغه‌مبه‌رى (سلاڤێت خودێ لێ بن) تو بۆ كێ هنارتى؟ گۆت: ئه‌ز يێ هنارتيم زه‌لامه‌كى بكوژم ژنبابا خۆ يا ماره‌كرى. ڤێجا ئيجاماعا زانايان يا ل سه‌ر هندێ ئه‌و ژنا هاته‌ ماره‌كرن ژ لايێ بابێڤه‌ نابيت كور ماره‌كه‌ت ـ باب چۆبيته‌ ده‌ف يان نه‌ ـ هه‌تا هنده‌ زانا دبێژن ئه‌وا بابێ نه‌ ب ماره‌كرن ژى تێكه‌لى دگه‌ل كربيت و له‌شێ وێ ديتبيت نابيت كور ماره‌كه‌ت، و خودێ چێتر دزانيت.