ب / خوارنا وان جانه‌وران بۆ هنده پيساتيێ كارلێكرنێ د حه‌لاليا وان و به‌رێ واندا ناكه‌ت، هه‌كه كێمه‌ك بيت، و گۆشتێ وان گه‌نى نه‌كه‌ت و نه‌گوهۆريت كو نه‌هێته خوارن، به‌لێ هه‌كه هه‌مى ژيانا وان ل سه‌ر پيساتيێ بيت نه هنده‌جاران تشتێ جۆك و گويفكان دخۆن و پيساتيێ گۆشتێ وان گوهۆرِى و بێهن ئێخستێ، هنگى هه‌مى تشتێت وى جانه‌وه‌رى حه‌رامه هه‌تا نابيت لێ سوياربن. ئبن عه‌باس (خودێ ژێ رازى بيت) هه‌روه‌كى ل ده‌ف خودانێت سونه‌نان هاتى ئبن ماجه نه‌بيت، دبێژيت: پێغه‌مبه‌رى (سلاڤێت خودێ لێ بن) نه‌هيا كرى جانه‌وه‌رآ گۆشتێ وى ژ پيساتى هاتيه گوهۆرِين و بێن كه‌فتيێ گۆشتآ وى بێته خوارن و شيرێ وان بێته ڤه‌خوارن. و هه‌كه جانه‌وه‌ر ژبه‌ر خوارنا به‌رده‌وام يا پيساتيێ بێهن كه‌فتێ، دڤێت هنگى بۆ ده‌مه‌كێ خواستى و يێ پێدڤى ژ پيساتيێ بێته دويرئێخستن، هه‌تا دزڤريته‌ڤه ره‌وشا خۆ يا ئاسايى، هنگى جاره‌كا دى حه‌لال بوو، و خودێ چێتر دزانيت.
