ب / ده‌ستپێكێ دڤێت ئه‌م بزانين ئه‌و نه‌ختێ حه‌رام كيژكه؟ ئه‌وه يێ نه ژ لايێ كچێڤه و بێى دلێ وێ دهێته خواستن و دبيته باره‌ك سه‌ر وێ ژى، و ل سه‌ر وى هه‌ڤژينێ شوى پێ دكه‌ت ژى، ئها ئه‌ڤه نه‌خته، و نه‌يێ دورسته، ڤێجا ژ لايێ براي بێت خواستن يان خالا يان ماما يان ده‌يبابان، به‌لێ ئه‌وێ كچ بۆ خۆ دخوازيت بێى ئێك ل سه‌ر بدانيت بڤێت و نه‌ڤێت ئه‌ڤه نه‌نه‌خته و مافێ كچێيه ئه‌و مارا بڤێت بۆ خۆ بخوازيت چ يا له‌زلێكري يان يا پاشڤه‌هێلايى، و كچ يا ئازاده چ ده‌ستكاريێ د وێ مارێدا بكه‌ت ل به‌ر خۆ بمه‌زێخيت يان بكه‌ته ديارى يان بده‌ته ده‌يبابێت خۆ و هۆسا، به‌لێ ئه‌ڤا بێى دلێ وێ هاتيه خواستن و بوويه بهايێ وێ هه‌تا دايه شوى ئه‌ڤه يا خه‌له‌ته و نه‌يا دورسته و سته‌مه‌كه ل كچێ دهێته‌كرن، دورسته هه‌رده‌مێ هه‌بيت مرۆڤ خۆ ژ ڤێ گونه‌هێ رزگاركه‌ت و بۆ وان بزڤرينيت يێت خودان يان گه‌رده‌نا خۆ ب وان بده‌ته ئازاكرن، به‌لێ هه‌كه هاته زڤراندن دڤێت هزرا بهايێ وى نه‌ختى بێته‌كرن كا هنگى وى نه‌ختى چه‌ند زێر پێ دهات هند بێته زڤراندن نه‌بێژيت نه‌خت هنده هزار دينار بين ها ئه‌ڤه بۆ ته هند و زێده‌تر.. نه‌خێر، ئه‌ڤه نه‌عه‌داله‌ته بلا ئه‌و پاره بێنه بهاكرن كا چه‌ند زێر رۆژا نه‌خت دايى پێ دهاته كرِين بلا هند پاره بێنه‌دان و زڤراندن، و خودێ چێتر دزانيت.
