ب / هه‌كه زێر ب زێرى بيت دڤێت هندى ئێك بيت و نابيت زێده‌يى بێته وه‌رگرتن، چونكى پێغه‌مبه‌ر (سلاڤێت خودێ لێ بن) دبێژيت: (لا تَبِيعُوا الذهَبَ بِالذهَبِ إلا سَوَاءً بِسَوَاءٍ وَالْفِضه بِالْفِضه إلا سَوَاءً بِسَوَاءٍ وَبِيعُوا الذهَبَ بِالْفِضه وَالْفِضه بِالذهَبِ كَيْفَ شِئْتُمْ) زێرى ب زێرى نه‌فرۆشن هندى ئێك نه‌بيت و زيڤى ب زيڤى نه‌فرۆشن هندى ئێك نه‌بيت و زێرى ب زيڤى و زيڤى ب زێرى بفرۆشن چاوا هه‌وه دڤێت. ڤێجا هه‌كه زێر ب زێرى بيت دڤێت هندى ئێك بن بلا زێرينگر حه‌قده‌ستێ خۆ ژێ بخوازيت جهێ دورستكرنا زێرى، به‌لێ هه‌كه پێكهاتن دێ هنده‌كێ ژێ وه‌رگريت و هندێ دێ بۆ كه‌ته چه‌ك (بازنك و گوهارك و هه‌رتشتێ بڤێت) و هندێ دێ بۆ خۆ راكه‌ت شوينا كارێ خۆ، هه‌كه هه‌ردوو ل سه‌ر كاره‌كى پێكهاتن دورسته، به‌لێ هه‌كه نه‌بێژيتێ و قه‌وارا زێده‌كرى زێرينگر نابيت بێى خوداني بۆ خۆ راكه‌ت، و هه‌كه ئاگه‌هداركر و گۆتێ يێ زێده‌بووى بلا بۆ ته بيت دورسته و چو تێدا نينه، و خودێ چێتر دزانيت.
