ب / گوستيركا زيڤى بۆ زه‌لامى دورسته بكه‌ته ده‌ستێ خۆ، چ بۆ جوانيێ يان بۆ خوازگينيێ، چونكى پێغه‌مبه‌رێ مه (سلاڤێت خودێ لێ بن) گوستيركا زيڤى يا كريه ده‌ستێ خۆ، و پشتى وى ئه‌و گوستيرك ئه‌بو به‌كرى (خودێ ژێ رازى بيت) يا كريێ و پشتى وى عومه‌رى (خودێ ژێ رازى بيت) يا كريه ده‌ستێ خۆ، به‌لێ گوستيركا زێرى ب چو ره‌نگان نه‌دورسته و يا حه‌رامه، و مخابن گه‌له‌ك موسلمان ئه‌ڤرۆ سستيێ د ڤێ چه‌ندێدا دكه‌ن و كوستيركا زێرى يان بۆ مه‌زناتى يان بۆ خوازگينيێ دكه‌نێ و ئه‌ڤه يا خه‌له‌ته و ب چو ره‌نگان نابيت موسلمان سستيێ د فه‌رمانێت خودێدا بكه‌ت، و هه‌كه مالا كچێ ژ كورى خواست بكه‌تێ ژى دڤێت بێژيته وان يا حه‌رامه ب ئه‌مرێ خودێ و پێغه‌مبه‌رى (سلاڤێت خودێ لێ بن) و نابيت هوين ڤێ ژ من بخوازن و نابيت ئه‌ز ژى گوهآ خۆ بده‌مه هه‌وه.
پێغه‌مبه‌رێ خودێ (سلاڤێت خودێ لێ بن) گوستيركه‌كا زێرى د ده‌ستێ زه‌لامه‌كى ديت، كێشا و هاڤێت و گۆت: ئێك ژ هه‌وه ئه‌و ب خۆ دێ قه‌ستا په‌له‌كى ژ ئاگرى كه‌ت و دێ كه‌ته ده‌ستێ خۆ، گۆتنه وى زه‌لامى پشت پێغه‌مبه‌رێ خودێ (سلاڤێت خودێ لێ بن) چۆى، گوستيركا خۆ راكه و بۆ خۆ فايده ژێ بكه، گۆت: نه ب خودێ قه‌ت ئه‌ز ناراكه‌م، پشتى پێغه‌مبه‌رێ خودێ (سلاڤێت خودێ لێ بن) هاڤێتى. به‌رێ خۆ بدێ پشتى ڤى ئه‌مرێ هۆسا يێ ئاشكرا چاوا تو سستيێ دكه‌ى و گوستيركا زێرى دكه‌يه ده‌ستێ خۆ، و خودێ چێتر دزانيت.
