ب / ته‌له‌فزيۆن ب خۆ ئامويره‌كه وه‌كى هه‌ر ئاميره‌ته‌كێ هه‌بيت، به‌لێ دێ مينيت كا ئه‌م چاوا ب كاردئينين، و كارئينانا وێ وه‌كى چه‌كه‌كێ دوو سه‌ره دبيت د خێرێدا يان د خرابيێدا بێته ب كارئينان، ئه‌و مالا بشێت زه‌بكه‌ت و نه‌هێليت ببه‌نه سه‌ر كه‌نالێت خه‌له‌ت و خراب و خرابيخواز، دورسته ته‌له‌فزيۆن د مالدا هه‌بيت، به‌لێ ئه‌و مال و باب و سه‌ميانێ نه‌شێته مالا خۆ، و كۆنترۆل د ده‌ستاندا يێ ئازادبيت چ كه‌نالێ بڤێن ببه‌نه سه‌ر، و چ تشت وان ژ كه‌نالێت نه‌باش نه‌ده‌ته پاش، هنگى نه‌دورسته ته‌له‌فزيۆن د ڤێ مالێدا هه‌بيت، چونكى خه‌له‌ت و نه‌دورست ب كار دئينن، به‌لێ هه‌كه به‌رێخۆدانا كه‌نالێت باش تنآ هاته‌كرن و به‌رنامێت باش هنگى ته‌له‌فزيۆن يا دورسته و چو تێدا نينه، ڤێجا ده‌يباب دڤێت ژ خودێ بترسن و ئاگه‌هـ ژ زارۆك و مالێت خۆ هه‌بن و بزانن كا ئه‌و به‌رێخۆدانا چ دكه‌ن، چونكى پێغه‌مبه‌ر (سلاڤێت خودێ لێ بن) هه‌روه‌كى بوخارى و موسلم ڤه‌دگێرن، دبێژيت: (كُلُّكُمْ راعٍ، وكُلُّكُمْ مسئولٌ عنْ رعِيتِهِ) ئانكو: هوين هه‌مى چاڤدێر و پارێزه‌رن، و هوين هه‌مى به‌رپرسن ژ يێت ژێر چاڤدێريا خۆ. و ئه‌و بابآ خه‌مێ ژ زارۆكێت خۆ نه‌خۆت و ده‌رگه‌هي بۆ وان ڤه‌كرى دهێليت و ئاگه‌هـ ژ وان نه‌بيت كا ئه‌و به‌رێخۆدانا چ دكه‌ن دێ به‌رپرساتيا وى رۆژا قيامه‌تێ يا گران بيت، و خودێ چێتر دزانيت.
