ب / ئه‌مانه‌ت باره‌ك و به‌رپرسياريه‌كا گرانه دڤێت مرۆڤ گه‌له‌كێ لێ هشيار بيت، و پێغه‌مبه‌رێ خودێ (سلاڤێت خودێ لێ بن) ئه‌مانه‌ت و ئيمان پێكڤه يێت گرێداين، دبێژيت: (لا يغرن صلاة امرئ ولا صيامه من شاء صام ومن شاء صلى ولكن لا دين لمن لا أمانه له) نه نڤێژا ئێكى نه رۆژيا وى بلا خاپاندنێ نه‌كه‌ت يێ ڤيا دێ ب رۆژى بيت و يێ ڤيا دێ نڤێژێ كه‌ت، به‌لێ وى دين نينه يێ ئه‌مانه‌ت نه‌بيت. ژبه‌ر هندێ زانا دبێژن: گونه‌هه ده‌ستكارى بێى ده‌ستويريا خودانى د مالێ ويدا بێته‌كرن چ شۆل پێ بێته‌كرن يان ب ده‌ين بده‌ته ئێكى، و هه‌كه وه‌كر وى حه‌راميكر و دڤێت ل خۆ بزڤيت و تۆبه‌كه‌ت. ئيمام مالك د موته‌ئێدا دبێژيت: ئه‌ز نابينم بازرگاني ب ئه‌مانه‌تي بێته‌كرن يان بكه‌ته ده‌ين يان ڤه‌گوهێزيت ئه‌ز دترسم بێ پاره ببيت يان بمريت ئه‌و مال نه‌مينيت و ئه‌مانه‌ت به‌رزه ببيت، و هه‌كه بێ ده‌ستويريا خودانى بازرگاني ب ئه‌مانه‌تي كر و قازانج كر بۆچۆنا هێزتر ژ گۆتنا زانايان ئه‌و قازانجه بۆ خودانآ ماليه هه‌روه‌كى ئه‌ڤه د كتێبێت مالكى و حه‌نبه‌لياندا هاتى ژبلي ئه‌و بۆ بهێليت، و خودێ چێتر دزانيت.
