ب / د بنياتدا دڤێت موسلمان يێ ئاشتيخواز بيت و ئه‌زيه‌تا چو تشتان نه‌كه‌ت و زێده‌گاڤيێ ل سه‌ر چو نه‌كه‌ت، چونكى ب ره‌نگه‌كێ گشتى خودێ مه‌زن ئه‌مرێ مه دكه‌ت ((وَلَا تَعْتَدُوا إِنَّ اللَّهَ لَا يُحِبُّ الْمُعْتَدِينَ)) به‌لێ هنده جانه‌وه‌رێت زيانكار يێت هه‌ين هه‌رجهێ هه‌بيت دورسته بێنه كوشتن هه‌روه‌كى پێغه‌مبه‌رێ خۆشتڤى (سلاڤێت خودێ لێ بن) دبێژيت (خَمْسٌ فَوَاسِقُ يُقْتَلْنَ في الْحِلِّ وَالْحَرَمِ الْحَية وَالْغُرَابُ الأَبْقَعُ والفارة وَالْكَلْبُ الْعَقُورُ وَالْحُدَيا) هه‌لبه‌ت ئيمام موسلمى ئه‌ڤ حه‌ديسه ڤه‌گێرايه، و ئه‌و گيانه‌وه‌ر ژى ئه‌ڤه‌نه: مار و قه‌له‌ره‌شا بنزك سپى، و مشك، و سه‌يێ هار و به‌ردايى، و حه‌دئه ئه‌و ژى باله‌فره‌كه ب كوردى دبێژنێ كوراره يێ ره‌شه ل سه‌ر كه‌له‌خان دژيت كوريا وى يا كورته و دوو سه‌ره، زانا دبێژن هه‌ر جانه‌وه‌ره‌كێ زيان تێدابيت وه‌كى ڤان دهێنه كوشتن وه‌كى دويپشكى، ديسا كمكمه ژى دهێته كوشتن ژبه‌ر كو ده‌يكا شه‌ريكى (خودێ ژێ رازى بيت) دبێژيت: پێغه‌مبه‌رێ خودێ (سلاڤێت خودێ لێ بن) ئه‌مرێ من ب كوشتنا كمكمان كر، ژ ئه‌ڤا بۆرى دورسته ئه‌و خشۆكێت دمالێدا و زيانێ دگه‌هينن بێنه‌كوشتن، و خودێ چێتر دزانيت.
