ب / پێدڤيه ئه‌م بزانين مرۆڤى رێز و حورمه‌ت و بهايێ خۆ يێ هه‌ي چ ساخ چ مرى، خودێ مه‌زن دبێژيت: ((وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا )) ب راستى مه مرۆڤ يێت ب رێز و رويمه‌ت ئێخستين، و مه ئه‌و د دێمى و ئاڤێدا يێت هه‌لگرتين و گێرِاندين ئانكو: مه شيانا دايه هه‌وه، هوين ب پيان و ده‌واران و گه‌ميان و ئالاڤێت دى قويناخێت درێژ ببرن، و رزقێ پاك و پاقژ مه دا وان، و مه ئه‌و ب سه‌ر گه‌له‌ك چێكريێت خۆ ئێخستن و ب قه‌درتر لێ كرن. ڤێجا ژبه‌ر هندێ دڤێت رێز لێ بێته‌گرتن هه‌تا ئه‌و د گۆرێ خۆدا. پێغه‌مبه‌ر (سلاڤێت خودێ لێ بن) هه‌روه‌كى موسلمى ژ ئه‌بو هوره‌يره ڤه‌گێراى دبێژيت: (لأَنْ يجْلِسَ أَحدُكُمْ على جَمْرَه، فَتُحْرِقَ ثيابَه، فَتَخْلُصَ إِلى جِلْدِهِ خَيرٌ لَهُ مِنْ أَنْ يجْلِسَ على قَبْر) هه‌كه ئێك ژ هه‌وه ل سه‌ر په‌له‌كى روينيته خوار، و جلكێت وى بسۆژيت و بگه‌هيته له‌شێ وى بۆ وى باشتره ئه‌و ل سه‌ر گۆره‌كى روينيته خوار. ڤێجا هه‌كه بشێى بچيه ناڤ گۆرستانێ و پاراستنێ ل سه‌ر ماف و رێز و حورمه‌تا مريان بكه‌ى دورسته مفا ژ وى فێقي بێته وه‌رگرتن نه‌خاسمه د پێدڤيه‌كا گشتيدا، و خودێ چێتر دزانيت.
