ب / پێغه‌مبه‌رێ مه (سلاڤێت خودێ لێ بن) هه‌روه‌كى د بوخارى و موسلمێدا هاتى نه‌هيا موسلمانان كربوو ئه‌و خۆشاڤێ د چار ئاماناندا چێكه‌ن د بنياتدا ئه‌و ئامان بۆ مه‌ى و عه‌ره‌قێ دهاتنه ب كارئينان ئه‌و ژى: جه‌رێت كه‌سك يێت مه‌يێ و كولندێت گرۆڤر يان يێت درێژ يێت هشك و ئامانێ زفت و قێركرى، چونكى خۆشاڤ د ڤان ئاماناندا زوى دهاته گوهۆرين و دبوو عه‌ره‌ق، پاشى ئه‌ڤ حوكمه هاته راكرن و پێغه‌مبه‌رى (سلاڤێت خودێ لێ بن) ده‌ستوير دا خۆشاڤ د هه‌مى ئاماناندا بێته چێكرن هه‌روه‌كى ئه‌ڤه موسلمى ڤه‌گێراي دبێژيت: پێغه‌مبه‌رى (سلاڤێت خودێ لێ بن) گۆت: ((من نه‌هيا هه‌وه كربوو هوين خۆشاڤێ د هنده ئاماناندا چێكه‌ن، د هه‌ر ئامنه‌كێدا هه‌بيت چێكه‌ن و سه‌رخۆشكه‌رى نه‌ڤه‌خۆن)). ژ ئه‌ڤا بۆرى ئاشكرا دبيت دورسته ئامانێ تايبه‌ت بۆ عه‌ره‌قێ بۆ تشته‌كێ دى بێته ب كارئينان و نه‌حه‌رامه و ئينان و برنا وان ژى نه‌حه‌رامه، و خودێ چێتر دزانيت.
