ب / ده‌ستپێكى ئه‌م دبێژينه ڤان ده‌زگه‌هـ و ته‌له‌فزيۆنان ژ خودێ بترسن و ئه‌خلاق و سنجێ خه‌لكێ بپارێزن و كه‌رستێ راگه‌هاندنێ يێ خرابكه‌ر نيشانه‌ده‌ن، و بزانن يێ بڤێت خرابى د ناف موسلماناندا به‌لاڤ ببيت خودێ دێ ئيزا و نه‌خۆشيه‌كا مه‌زن ده‌ته به‌ر، خودێ مه‌زن دبێژيت: ((إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ )) ب راستى ئه‌وێت حه‌ز دكه‌ن و پێ خۆش، كريارێت زێده كرێت و خراب وه‌كى زنايێ د ناف واندا به‌لاڤ ببن ئه‌وێت باوه‌رى ئيناين، ئيزايه‌كا دژوار و ب ژان بۆ وان د دنيايێ و ئاخره‌تێدا يا هه‌ى، و خودێ ئه‌وا د دلاندا دزانيت كا كێ دڤێت، و حه‌ز دكه‌ت خرابى و پويچى به‌لاڤ ببيت، و هوين نوزانن.
و به‌رێخۆدانا ڤان ره‌نگه خه‌له‌ك و زنجيران حه‌رامه، و ده‌يباب به‌رپرسن ژ مالا خۆ و دڤێت ئاگه‌هـ ژ وان هه‌بيت و نه‌هێلن ئه‌و به‌رێ خۆ بده‌نه ڤان خه‌له‌كێن ئارمانجكار، و سنج و ئه‌خلاقێ باش دكه‌نه ئارمانج، و نه‌هێلن و بگوهۆرن.
سستيا ده‌يباب و سه‌ميان و سه‌ركاران دوجاركى گونه‌هه، گونه‌ها ستۆيێ ويه و گونه‌ها يێ ئه‌و ژێ به‌رپرس ژى د ستۆيێ ويدايه، و مرۆڤ نه‌شێت خۆ ل به‌ر گونه‌هێت خۆ تنآ بگريت تو چ دبێژى هه‌كه گونه‌هێت زارۆكان و يێت ئه‌و ژێ به‌رپرس ژى هاتنه سه‌ر، و خودێ چێتر دزانيت.
