ب / مه دوو ره‌نگێت ئارمويشى يێت هه‌ين: ئارمويشێ ره‌سه‌ن و دورستى ئه‌ڤه بۆ زه‌لامى نه‌دورسته ب كاربينيت بكه‌ته به‌ر خۆ و ل سه‌ر بنڤيت ژبلى هه‌كه خوريان ل شه‌شێ وى بيت و بۆ ده‌رمان بكه‌ته به‌ر خۆ، چونكى پێغه‌مبه‌ري (سلاڤێت خودێ لێ بن) ل سه‌ر زه‌لامان يێ حه‌رامكرى، ئه‌بو داوود ژ ئيمام عه‌لى (خودێ ژێ رازى بيت) ڤه‌دگێريت، دبێژيت: من پێغه‌مبه‌رێ خودێ (سلاڤێت خودێ لێ بن) ديت ئارمويشه‌ك هه‌لگرت دانا ره‌خێ خۆ يێ راستێ و زێره‌ك هه‌لگرت و دانا ره‌خێ خۆ يێ چه‌پێ پاشى گۆت: ئه‌ڤ هه‌ردووكه ل سه‌ر زه‌لامێت ئوممه‌تا من حه‌رامن. و ترمزى (خودێ ژێ رازى بيت) ژ ئه‌بى موسايێ ئه‌شعه‌رى (خودێ ژێ رازى بيت) ڤه‌دگێريت، دبێژيت: پێغه‌مبه‌رێ خودێ (سلاڤێت خودێ لێ بن) گۆت: جلكێ ئارمويشى و زێر ل سه‌ر زه‌لامێت ئوممه‌تا من يێت حه‌رام بووين و بۆ ژنا يێت حه‌لال بووين. و د ريوايه‌تا بوخارى و موسلميدا ژ ئه‌بى حوزه‌يفه‌ى (خودێ ژێ رازى بيت) دبێژيت: من گول پێغه‌مبه‌رێ خودێ بوو (سلاڤێت خودێ لێ بن) دگۆت: جلكێ ئارمويشى و كراسێ به‌ر و به‌ته‌ن ئارمويش نه‌كه‌نه به‌ر خۆ، به‌لێ هه‌كه په‌رۆك نه‌ئارمويشآ دورست و ره‌سه‌ن بيت به‌س ژبه‌ر نه‌رميا وى دبێژنآ ئارمويش هه‌كه ئه‌و ب خۆ يآ پيشه‌سازي و دورستكريه ئه‌ڤ ره‌نگه حه‌رير و ئارمويشه بۆ زه‌لامان دورسته و حه‌لاله بلا ناڤێ وى په‌رۆكى و جلكى ئارمويش بيت، و خودێ چێتر دزانيت.
