ب / هه‌ر سه‌رشه‌كرن و تراشينه‌كا چاڤلێكرنا مرۆڤێت خراب تێدا يان چاڤلێكرن بيت بۆ بێ دينان ئه‌و سه‌رشه‌كرن و تراشتن نه‌يا دورسته، و گه‌له‌ك زانا دبێژن يا حه‌رامه، چونكى پێغه‌مبه‌ر (سلاڤێت خودێ لێ بن) دبێژيت: (من تشبه بقوم فهو منهم) ديسا پێغه‌مبه‌رى (سلاڤێت خودێ لێ بن) نه‌هى يا كرى كچ خۆ وه‌كى كورى لێ بكه‌ت يان كور خۆ وه‌كى كچێ لێ بكه‌ت د هه‌مى تشتاندا، و ژ وان: سه‌رشه‌كرن و تراشتن.
د ڤێ رامانێدا بوخارى ژ ئبن عه‌باس خودێ ژ هه‌ردوويان رازى بيت ڤه‌دگێريت، دبێژيت: پێغه‌مبه‌رێ خودێ (سلاڤێت خودێ لێ بن) له‌عنه‌تێت ل وان زه‌لامان كرين ئه‌وێت خۆ وه‌كى ژنان لێ دكه‌ن و له‌عنه‌تێت ل وان ژنان كرين ئه‌وێت خۆ وه‌كى زه‌لامان لێ دكه‌ن. ديسا پێغه‌مبه‌رى (سلاڤێت خودێ لێ بن) نه‌هيا كرى سه‌ر بێته پنى پنيكرن يان ره‌خه‌ك بێته‌چێكرن ره‌خه‌ك نه يان هه‌مى بێته‌چێكرن و پۆرك تنێ بێته هێلان يان دۆرماندۆر بێته تراشتن و نيڤا سه‌رى تنێ بێته هێلان وه‌كى دى هه‌ر ره‌نگه‌كێ دى يێ سه‌رشه‌كرنێ هه‌بيت يان تراشتنێ يێ دورسته و چو تێدا نينه. و پێغه‌مبه‌رى (سلاڤێت خودێ لێ بن) نه‌هيا كرى ژن سه‌رێ خۆ بتراشيت، ئانكو: سفركه‌ت وه‌كى زه‌لامان لێ بكه‌ت ژبلى بۆ ده‌رمانى بيت، و خودێ چێتر دزانيت.
