ب / دڤێت بزانين ئه‌ڤ ده‌مێ خودێ مه‌زن دايه مه نيعمه‌ته‌كه، و دڤێت ئه‌م ژ ده‌ستێت خۆ نه‌به‌ين، و ئه‌گه‌ر هات و چۆ ئه‌ڤ ده‌مه ب هه‌روه ژ ده‌ست مه چۆ رۆژا قيامه‌تێ دێ په‌شێمان بين ده‌مێ دبينين خودێ ده‌رفه‌ت دا مه، به‌لێ مه ژ ده‌ستێت خۆ بر، و چو خێر تێدا نه‌چاند. پێغه‌مبه‌ر (سلاڤێت خودێ لێ بن) هه‌روه‌كى د ڤه‌گێرا ئه‌بو داووديدا هاتى دبێژيت: (مَنْ قَعَدَ مَقْعَداً لَمْ يذكُرِ الله تعالى فِيهِ كَانَتْ عَلَيِهِ مِنَ الله تعالى تِره، وَمَنِ اضطجَعَ مُضطجَعاً لاَيذكُرُ الله تعالى فِيهِ كَانَتْ عَلْيِه مِن اللهِ تِره) هه‌ركه‌سێ بيسته‌كێ روينيته خوارێ و خودێ تێدا نه‌ئينيته بيرا خۆ، و زكرێ خودێ مه‌زن نه‌كه‌ت، ئه‌و روينشتن ژ خودێ ل سه‌ر وى په‌شێمانى و كێماسيه، و هه‌ركه‌سێ خۆ درێژكه‌ت و خودێ تێدا نه‌ئينيته بيرا خۆ و زكرێ خودێ مه‌زن نه‌كه‌ت، ئه‌و خۆدرێژكرن ژ خودێ ل سه‌ر وى په‌شێمانى و كێماسيه. ڤێجا پێدڤيه ئه‌م وه‌ختێ خۆ ب تشتێت پويچ و بێ مفاڤه نه‌به‌ين، و ب راستى ڤان ره‌نگه سترانان چو مفا تێدا نينه و خودێ مه‌زن په‌سنا وان دكه‌ت يێت پشتا خۆ دده‌نه تشتێت بآ وه‌ج و مفا، دبێژيت: ((وَالَّذِينَ هُمْ عَنِ اللَّغْوِ مُعْرِضُونَ )) و ئه‌وێت هه‌مى ده‌مان پشتا وان ل گۆتن و كريارێت پويچ و خۆ ژێ دده‌نه پاش. و زانايێت مه دبێژن: (لغو) ئه‌و تشته يێ مفا تێدا نه، ڤى ره‌نگێ سترانێ چو فايده ژێ ناهێته ديتن پێدڤيه خۆ ژێ بده‌ينه پاش، و خاله‌كا دى ژى هه‌يه دڤێت نيشانكه‌ين ئه‌و ژى ئه‌ڤه‌يه: دڤێت مرۆڤ ژ ڤان ره‌نگه سترانان بترسيت و گوهدانا وان، چۆنكى پێغه‌مبه‌ر (سلاڤێت خودێ لێ بن) دبێژيت: (من تشبه بقوم فهو منهم) يێ خۆ وه‌كى هنده كه‌سان لێ بكه‌ت ئه‌و ژ وانه، هه‌كه خه‌لك وه‌بكه‌ت ئه‌ز وه‌ناكه‌م، خه‌لك و كريارێت خه‌لكى بۆ من نه‌پێشه‌وا و سه‌ركێشن، يێ خه‌لكى چ كر وى ژى وه‌كر بلا ئه‌و رۆژا قيامه‌تێ ژ چاره‌نڤێس و دويماهيا خۆ بترسيت، ئه‌ڤ چه‌نده دێ وى راكێشنه ئاگرى و هێژاى جه‌هنه‌مێ كه‌ن. به‌لێ يێ گوه و چاڤێت وى ل خه‌لكى كا وان چ كر ئه‌و ژى بكه‌ت بلا ژ ڤێ دويماهيێ بترسيت رۆژا به‌حه‌شتى دبێژنه جه‌هنه‌ميان: چ هوين ئينانه جه‌هنه‌مێ؟! دێ بێژن خه‌لكى: ((وَمَا أَدْرَاكَ مَا سَقَرُ )) چ هوين ئينانه جه‌هنه‌مێ دێ بێژن: ((وَكُنَّا نَخُوضُ مَعَ الْخَائِضِينَ )) هه‌ما مه ژى وه‌كى خه‌لكى دكر وان چ دكر مه ژى وه‌كى وان دكر، و خودێ چێتر دزانيت.
