ب / پێدڤيه ئه‌م بزانين مافه‌ك خودێ يێ دايه ژنێ، نه بۆ بابێ نه بۆ زه‌لامێ وێ نه بۆ كه‌سه‌كێ هه‌يه بده‌ته سه‌ر وى مافى، ئه‌و ژى مه‌هرا ئه‌و دخوازيت چ گه‌له‌ك بيت چ كێم بيت، چونكى خودێ مه‌زن دبێژيت: ((وَإِنْ أَرَدتُّمُ اسْتِبْدَالَ زَوْجٍ مَّكَانَ زَوْجٍ وَآتَيْتُمْ إِحْدَاهُنَّ قِنطَارًا فَلَا تَأْخُذُوا مِنْهُ شَيْئًا أَتَأْخُذُونَهُ بُهْتَانًا وَإِثْمًا مُّبِينًا)) و ئه‌گه‌ر هه‌وه ڤيا ژنه‌كێ شوينا ژنه‌كا دى پشتى به‌ردانێ بينن، و ئێك ژ وان هه‌وه ماله‌كێ مه‌زن ب ناڤێ مه‌هرێ دابيتێ، چو ژ وى مالى ژێ نه‌ستينن هوين وى مالى چاوا دێ ژ بێ به‌ختى و ب گونه‌هه‌كا مه‌زن ژێ ستينن. و د ئايه‌ته‌كا ديدا دبێژته زه‌لامان مه‌هرا ژنان بده‌نێ و چو ژێ نه‌خۆن ژبلى ئه‌و ژ نيڤا دلێ خۆ بده‌نه هه‌وه هنگى تنێ بۆ هه‌وه حه‌لاله ((وَآتُوا النِّسَاءَ صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِيئًا)) و مارا ژنان ب خۆشى بده‌نێ، و هه‌كه وان ژنان تشته‌ك ژ مارا خۆ ب خۆشى و ب دلێ خۆ بۆ هه‌وه هێلا و گه‌رده‌نا هه‌وه ئازاكر، ئێدى بخۆن ل هه‌وه حه‌لال بيت و نووشى جان بيت. ڤێجا هه‌كه كچ مه‌هرا خۆ بۆ براى نه‌هێليت و ب دلێ وێ نه‌بيت نه‌دورسته ده‌يباب ب خورتى ژێ وه‌رگرن و ل به‌ر ته بمه‌زێخن، و خودێ چێتر دزانيت.
