ب / نه‌خێر ته‌وله نه‌يا دورسته و نابيت بێته‌كرن نه ژ قه‌ستا و نه سه‌را تشته‌كى، چونكى پێغه‌مبه‌رى (سلاڤێت خودێ لێ بن) نه‌هيا ژ ته‌ولێ كرى، دبێژيت: (من لَعِبَ بِالنَّرْدَشِيرِ فَكَأَنَّمَا صَبَغَ يدَهُ في لَحْمِ خِنْزِيرٍ وَدَمِهِ) يێ ته‌ولێ بكه‌ت هه‌روه‌كى ده‌ستێت خۆ كرينه د ناف گۆشتێ به‌رازى و خوينا ويدا، هه‌لبه‌ت ئيمام ئه‌حمه‌د و موسلم و ئه‌بو داوود ڤه‌گێرايه (من لَعِبَ بِالنَّرْدِ فَقَدْ عَصَى اللَّهَ وَرَسُولَهُ) يێ ته‌ولێ بكه‌ت بێ گۆمان وى بێئه‌مريا خودێ و پێغه‌مبه‌رێ وى كر، هه‌لبه‌ت ئيمام مالك و ئيمام ئه‌حمه‌د و ئه‌بو داوود و ئبن ماجه ڤه‌گێرايه. و ئيمام ئبن ته‌يميه (خودێ ژێ رازى بيت) دبێژيت: كرنا ته‌ولێ ب به‌رامبه‌ر ل ده‌ف زانايان ب ئێك گۆتن حه‌رامه و بێ به‌رامبه‌ر ل ده‌ف جه‌ماهيرێ زانايان حه‌رامه، و خودێ چێتر دزانيت.
