ب / ده‌مێ فه‌رمانبه‌ر دهێته دامه‌زراندن، گرێبه‌سته‌كا د ناڤبه‌را وى و ده‌ستهه‌لاتێدا، و دڤێت هه‌ردوو ل دويف مه‌رجێت وێ گرێبه‌ستێ بن، ما دورسته ده‌ستهه‌لات كێمتر ژ هندێ بده‌تێ يێ دگه‌ل هاتيه گۆتن؟! به‌رسڤ: نه‌خێر، هۆسا نه‌دورسته ئه‌و به‌رى ده‌مێ خۆ ده‌ركه‌ڤيت هه‌كه ده‌م يێ ده‌ستنيشانكرى بيت ده‌ستپێك و دويماهيك، ژبلى هه‌كه به‌رپرسێ وى يێ ده‌ستهه‌لاتدار ده‌ستويريا وى بده‌ت، به‌لێ دڤێت وى به‌رپرسى ده‌ستهلات هه‌بيت، هه‌كه نه‌بيت بۆ نينه ده‌ستويريێ بده‌ت و بۆ فه‌رمانبه‌را ژى نينه گوهێ خۆ بده‌نه ده‌ستويريا وى، چونكى پێغه‌مبه‌ر (سلاڤێت خودێ لێ بن) دبێژيت: ((إِنَّ الحَلاَلَ بَيِّنٌ، وإِنَّ الحَرامَ بَيِّنٌ، وَبَيْنَهما مُشْتَبِهاتٌ لاَ يعْلَمُهُنَّ كَثيرٌ مِنَ النَّاسِ، فَمَن اتَّقى الشُّبُهاتِ، اسْتَبْرَأَ لِدِينِهِ وعِرْضهِ)) ب راستى حه‌لالێ ئاشكرايه و حه‌رامێ ئاشكرايه، و هنده كارێت حه‌لال و حه‌رام ژێ نه‌ديار د مابه‌ينا واندا يێت هه‌ين، گه‌له‌ك خه‌لك چو ژێ نوزانن، ڤێجا هه‌ركه‌سێ خۆ ژ كارێت حه‌لال و حه‌رام ژێ نه‌ديار پاراست، وى ساخله‌مى بۆ دينێ خۆ و نامويسا خۆ خواست يان ب ده‌ست خۆڤه ئينا (ئانكو ساخله‌م بوو ژ خه‌له‌تيا د دينيدا و ساخله‌م بوو ژ نه‌كاميا خه‌لكى ژى)، ڤێجا فه‌رمانبه‌ر دزانيت كا به‌رپرسێ وى ماف و ده‌ستهه‌لات هه‌يه ئان نه دا بريارا خۆ بده‌ت به‌رى وه‌ختى ده‌ركه‌ڤيت يان نه، و خودێ چێتر دزانيت.
