ب / زانا هه‌مى ئێك ده‌نگن هه‌كه سويند ب ئاخفتنا خۆڤه گرێدا و بێژيت: ب سويند ئه‌ز ب خودێ كه‌م هنگى ئێك بۆچۆن دڤێت كه‌فاره‌تا سويندێ بده‌ت و ئه‌و خوارن و ڤه‌خوارن هه‌كه د حه‌لال بن ل سه‌ر حه‌رام نابن. و د ڤى واريدا خودێ مه‌زن دبێژيت: ((يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ تَبْتَغِي مَرْضَاتَ أَزْوَاجِكَ وَاللَّهُ غَفُورٌ رَّحِيمٌ ))(( قَدْ فَرَضَ اللَّهُ لَكُمْ تَحِلَّةَ أَيْمَانِكُمْ وَاللَّهُ مَوْلَاكُمْ وَهُوَ الْعَلِيمُ الْحَكِيمُ)) هه‌ى پێغه‌مبه‌ر، بۆچى تشتێ خودێ بۆ ته دورستكرى، ژبه‌ر رازيكرنا ژنێت خۆ ل سه‌ر خۆ حه‌رام و نه‌دورست دكه‌ى؟ دگه‌ل ڤێ ژى خودێ يێ گونه‌ه ژێبه‌ر و دلۆڤانه، ب سويند خودێ بۆ هه‌وه دورستكر ب كه‌فاره‌تێ ژ سويندا خۆ ده‌ركه‌ڤن، و خودێ سه‌ميان و هاريكارێ هه‌وه‌يه، و ئه‌وه يێ زانا و كاربنه‌جه.
به‌لێ هه‌كه سويند نه‌خوار و گۆت بێڤان خوارن ل سه‌ر من حه‌رام بيت، ل ده‌ف هنده زانايان ماده‌م سويند دگه‌ل نينه نه حه‌رام دبيت و نه كه‌فاره‌ت ل سه‌ره، و ل ده‌ف هنده‌كێت دى ل سه‌ر حه‌رام نابيت به‌لێ كه‌فاره‌تا سويندێ دكه‌ڤيته سه‌ر چونكى ئه‌ڤ ئاخفتنه د رامانا سويندێدايه، و خودێ چێتر دزانيت.
