ب / هه‌ر جانه‌وه‌ركێ ئاڤى بيت و د ئاڤێدا بژيت، وه‌كى خۆ ل سه‌ر هشكاتيێ هه‌بيت يان نه و كى بگريت موسلمان بيت يان نه موسلمان بيت، بێ ڤه‌كوشتن يێ حه‌لاله ب مه‌رجه‌كى نه‌يێ ژه‌هراڤى بيت ، هه‌كه يێ ژه‌هراڤى بيت نه‌يێ دورسته و يێ حه‌رامه، و به‌لگه ل سه‌ر حه‌لاليا جانه‌وه‌رێ به‌حرێ خودێ مه‌زن دبێژيت: ((أُحِلَّ لَكُمْ صَيْدُ الْبَحْرِ وَطَعَامُهُ مَتَاعًا لَّكُمْ وَلِلسَّيَّارَةِ )) ئانكو: نێچيرا ده‌ريايان و خوارنا وان بۆ هه‌وه دورست بوو، دا بۆ هه‌وه ئاكنجى و رێباران ببيته متا، و مفايى ژێ وه‌رگرن. و د ڤه‌گێرا خودانێت سونه‌ناندا و حاكمى و ئبن حه‌بانى و به‌زاريدا هاتيه: زه‌لامه‌كى پسيار ژ پێغه‌مبه‌رى (سلاڤێت خودێ لێ بن) كر، گۆت: يا پێغه‌مبه‌رێ خودێ.. ئه‌م ل ده‌ريايێ سوياردبين و ئه‌م كێم ئاڤێ دگه‌ل خۆ دبه‌ين هه‌كه ئه‌م ده‌ستنڤێژان پێ بشۆين دێ تێنى بين ئه‌م ده‌ستنڤێژا خۆ ب ئاڤا ده‌رياى بشۆين؟ پێغه‌مبه‌رى (سلاڤێت خودێ لێ بن) گۆت: (هو الطهُورُ مَاؤهُ الْحِلُّ مَيْتَتُهُ) ئه‌و ئاڤا وێ يا پاڤژه و مريێ وێ يێ حه‌لاله، و خودێ چێتر دزانيت.
