ب / هه‌كه ب تڤه‌نگێ يان تشته‌كێ تيژ هاتبيته نێچيركرن و له‌ش بريندار كربيت، و خوين ژێ هاتبيت و ل جهه‌كى هاته ديتن.. باراپتر هزر ئه‌وه ئه‌و نه ژ فرينێ مريه به‌لكى ژ برينداركرنێ يێ مرى، هنگى دورسته بخۆت نه‌خاسمه هه‌كه ده‌مێ نێچيرێ ناڤێ خودێ ئينابيت و (بسم الله)ى كربيت، و هه‌كه پشتى چه‌ند رۆژه‌كا ئه‌و نێچير ديت ب سێ مه‌رجان يێ دورسته:
ئێك: نه‌بينيت يێ د جهه‌كێ بلنددا كه‌فتى يان يێ كه‌فتيه د ئاڤێدا، هه‌كه هۆسا ديت نه‌يێ دورسته، چونكى دبيت ئه‌و نه ب ئه‌گه‌رێ برينداركرنا ته مريه، به‌لكى ژبه‌ر كه‌فتنێ يان د ئاڤێدا يێ خه‌ندقى.
دوو: بۆ وى دياربيت ب دربێ وى يێ مرى، و چو نيشانێت دى لێ نه‌بن، وه‌كى شوين ده‌ڤێ جانه‌وه‌ره‌كى يان ده‌هبه‌كى، هنگى نه‌دورسته؛ چونكى دبيت ژبه‌ر وى ئه‌گه‌رى يێ مرى، نه ژ ئه‌گه‌رێ برينداركرنێ.
سى: نه‌هاتبيته گوهۆرِين و بێهن كه‌تبيتێ، هه‌كه وه‌لێهاتيبت نه‌دورسته چونكى دێ يێ ب زيان بيت، چونكى ئه‌بو سه‌عله‌بێ خه‌شه‌نى د ڤه‌گێرا موسلميدا دبێژيت پێغه‌مبه‌رى (سلاڤێت خودێ لێ بن) گۆت: (إذا رَمَيْتَ بِسَهْمِكَ فَغَابَ عَنْكَ فَأَدْرَكْتَهُ فَكُلْهُ ما لم يُنْتِنْ) هه‌كه تيرا خۆ هاڤێته جانه‌وه‌ركى و سێ رۆژان ل ته به‌رزه‌بى و ته ديت بخۆ هه‌كه بێهن نه‌كه‌تبيتێ و گه‌نى نه‌ببيت.
