ب: زانا دخارنا ئاخێدا د ژێكجودانه، هنده‌ك حه‌رام دبینن و حه‌رام ددانن، ئه‌و ژی ژبه‌ر زینكاریا تێدا، و ژونن شافعی و مالكی دبوچونه‌كێدا، و حه‌نبه‌لی و مالكی دبوچونا خۆ یا دیدا مه‌كروهـ و نه‌باش دبینن و ددانن، و ئه‌ڤێت حه‌رامكری یان مه‌كروهكری ژبه‌ر زیانكاریا وێیه، و هه‌كه دیارببیت نه یازیانكاره ئه‌و حوكم و فه‌رمان بۆ نینه، له‌وا زانایێ سه‌بوكی دبێژیت: چ حه‌دیس ل سه‌ر حه‌رامیا خارنا ئاخێ یێت دورست نه هاتینه، ژبه‌ر هندێ نه یا حه‌رامه، ژ بلی دیارببت یا ب زیانه هنگی یا حه‌رامه ژ به‌ر زیانكاریا وێ، و ئبن قودامه دموغنیێدا دبێژیت ئیمام ئه‌حمه‌د مه‌كروهـ ددانیت ژ به‌ر زیانكاریا وێ و چ حه‌دیسێت دورست ل سه‌ر حه‌رامیا وێ نه هاتینه و یاخراب و پیسه خارنا وێ نه یا باشه و ئیمام ئه‌حمه‌د مه‌كروهـ دانایه ژ به‌ر زیانا وێ و هه‌كه جوینه‌ك ژێ هه‌بیت ببیته ده‌رمان و بۆ ده‌رمانی بێته ب كارئینان هنگی یا مه‌كروهـ نینه و خودێ چێتر دزانیت.
