ب : نه‌عا‌مه ژ بالفران دهێته هه‌ژمارتن و هه‌كه دورستی هاته سه‌ر ژێكرن گوشتێ وێ یێ حه‌لاله؛ چونكی دبنیاتدا هه‌می تشتێ خودێ دایی بو مه یێ دایی و یێ حه‌لاله، ژ بلی وی یێ ژ ڤی بنگه‌هی ب به‌لگه هاتیه ده‌رێخستن وه‌كی:
ئێك: هه‌ر جانه‌وه‌ره‌كێ كێلبه‌داربیت و ب كێلبه‌یان نێچیرا خۆ بكه‌ت یێ حه‌رامه وه‌كی شێران و پلنگان و گۆرگان و صه‌یان.
دوو: هه‌ر باله‌فره‌كا په‌نجدار و نێچیرێ پێ دكه‌ت وه‌كی سه‌قه‌ری.
سێ: به‌راز یێ حه‌رامه ب به‌لگه‌یا قورئان و حه‌دیسێ و ئیجماعا موسلمانان.
چوار: كه‌رێت كه‌هی ئیمام علی خودێ ژێ رازی بیت دڤه‌گێرا بوخاری و موسلمیدا دبێژیت: پێغه‌مبه‌ری سلاڤێت خودێ ل سه‌ربن سالا خه‌یبه‌رێ نه‌هی ژ خوارنا گوشتێ كه‌رێت كه‌هی كر.
پێنج: هه‌ر جانه‌وه‌رێ فه‌رمان ب كوژتنا وان هاتبیته كرن وه‌كی: ماری و دویپشكی و مشكی و خودێ چێتر دزانیت.
