ب : هه‌ر جهێ موسلمان لێ بیت دڤێت پاكخوازبیت و رێكیت خۆ پاك راگرتنێ بگریت، و ده‌همان پاقژ بیت، ژ وان رێكان ژن ئینانه؛ له‌وا پێغه‌مبه‌ری خوشتڤی سلاڤێت خودێ ل سه‌ربن دبیژیته گه‌نجان: (يا مَعْشَرَ الشَّبَابِ من اسْتَطَاعَ الْبَاءَةَ فَلْيَتَزَوَّجْ فإنه أَغَضُّ لِلْبَصَرِ وَأَحْصَنُ لِلْفَرْجِ وَمَنْ لم يَسْتَطِعْ فَعَلَيْهِ بِالصَّوْمِ فإنه له وِجَاءٌ) گه‌لی گه‌نجان هه‌ركه‌سێ ژ هه‌وه پێچێبیت بلا هه‌ڤژینیێ بكه‌ت و هه‌ركه‌سێ پێچێنه‌بیت بلا رۆژیان بگریت ب راستی رۆژی شه‌هوه‌ت برینه، و یا باش ئه‌وه ئه‌م خه‌مێ ژ هه‌ڤژینا خۆ بخوین، و نه هه‌ركه‌سا هه‌بیت ئه‌م ماره‌كه‌ین، و دڤێت ئه‌م یا دیندار و خودێ ترس ژێ بگرین؛ چونكی دێ بیته دایكا زاروكێت مرۆڤی، و زاروك ب وێڤه دێ هێنه گرێدان، به‌لێ هه‌كه ل جهه‌كێ بیت موسلمان لێ نه‌بن ماره‌بكه‌ت و هه‌كه ب ده‌زگه‌هێ هه‌ڤژینیێ نه‌بیت دێ كه‌ڤیته خه‌له‌تیێ، دورسته هنگی جوهی یان فه‌له بێته ماره‌كرن، به‌لێ ب چوار مه‌رجان و ئه‌ڤه بوچونا جمهوریه ژ هه‌ر هه‌ر چوار مه‌زهه‌بان:
ئێك: باوه‌ری ب دینێ خۆ هه‌بیت ئانكو ب راستی یا جوهی بیت یان فه‌له و هه‌كه باوه‌ری ب چ دینان نه‌بیت هنگی نا بیت بێته ماركرن بلا د ناسناما وێدا مه‌سه‌حی یان جوی هاتبیته نیاسین.
دوو: دڤێت یا ده‌همه‌ن پاقژ بیت و خودان یار و هه‌ڤال نه‌بیت، هه‌كه به‌روڤاژی ڤێ بیت، و ده‌ستێ كه‌سێ نه‌زڤرینیت، و سنج و ئه‌خلاقێ وێ یا خرابیت نابیت بێته ماره‌كرن.
سێ: دژی ئیسلامێ نه‌بیت، و نه‌یاراتیا ئیسلامێ نه‌كه‌ت، و هه‌كه كه‌رب ژ ئیسلامێ ڤه‌بن و یا به‌رڤه راوه‌ستیای بیت هه‌رده‌مێ بشێت دربێ خۆ بدانیتێ ئه‌ڤه ژی نابیت بێته ماره‌كرن.
چوار: دڤێت یاشیكری نه‌بیت و سه‌ر به‌ختێ چ زه‌لامان نه‌بیت، هه‌كه یا ماره‌كری بیت و زه‌لامێ خۆ بێ به‌ردان هێلابیت نابیت موسلمان ماره‌بكه‌ت، و به‌لگه ل سه‌ر دورستیا ماره‌كرنا ژنا خودان كتێب (جوهی یان فه‌له) گۆتنا خودێیه دبێژیت: (الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُواْ الْكِتَابَ مِن قَبْلِكُمْ إِذَا آتَيْتُمُوهُنَّ أُجُورَهُنَّ) هه‌ر چه‌نده ژ هنده صه‌حبان هاتیه ڤه‌گوهازتن ماركرنا خودان كتێبان حه‌رامه، وه‌كی عومه‌ر و ئبن عومه و ئبن عه‌باس خودێ ژ هه‌میان رازی بیت، به‌لێ ڤه‌گوهازتنا دورستتر ژ وان حه‌رام نه‌دانایه به‌لكێ مه‌كروھ و نه‌باش دانایه ئه‌و ژی ژ به‌ر چه‌ند ئه‌گه‌ره‌كان ژ وان ترسا هندێ ژن كارتێكرنێ د دینێ زه‌لامیدا بكه‌ت یان دینێ زاروكێت وی یان هه‌ڤژینی ل گه‌ل ئێكا ده‌همه‌ن نه باقژ بێته‌كرن یان ببیته ئه‌گه‌رێ هندێ موسلمان به‌رێ خۆ ب ده‌نه وان بۆ هه‌ڤژینی پێكئینانێ و كچێت موسلمانان ببنه قه‌یره، پشتی ڤێ ژنا مه‌سیحی یان یا جوی و شویكری و سه‌ر به‌ختێ زه‌لامه‌كێ دی و ب دورستی نه‌هاتبیته به‌ردان حه‌رامه بێته ماركرن و نه دورسته، و هه‌ر كه‌سێ په‌یوندیێ ل گه‌ل ژنه‌كا هوسا گرێده‌ت ب ئنیه‌تا هه‌ڤژین پێكئینانێ حه‌رامه و نه دورسته و دبیت بكه‌ڤیته بن ڤێ حه‌دیسێڤه پێغه‌مبه‌ر سلاڤێت خودێ ل سه‌ر بن دبێژیت: (ليس مِنَّا من خَبَّبَ امْرَأَةً على زَوْجِهَا) نه ژ مه‌یه یێ ژنا زه‌لامه‌كێ سه‌ردا ببه‌ت و خرابكه‌ت و زه‌لامێ خۆ بهێلیت و خودێ چێتر دزانیت.
