ب : ژنا نه موسلمان ل سه‌ر هه‌ر دینێ هه‌بیت جوهی بیت یان فه‌له یان هه‌ر دینه‌كێ دی، هه‌كه موسلمان بۆ، و زه‌لامێ وێ ل سه‌ر دینێ خۆ ما نا بیت ئه‌و رێكێ ب ده‌ته زه‌لامێ خۆ تێكه‌لیا هه‌ڤژینیێ دگه‌ل بكه‌ت، و بچیته نڤینا وێ، و دێ خۆ گریت هه‌تا ژڤانێت(عیددا) وێ دویماهیك بهێن؛ چونكی خودایێ مه‌زن دبێژیت: (فَإِنْ عَلِمْتُمُوهُنَّ مُؤْمِنَاتٍ فَلا تَرْجِعُوهُنَّ إِلَى الْكُفَّارِ لاهُنَّ حِلٌّ لَهُمْ وَلاهُمْ يَحِلُّونَ لَهُنَّ ) و هه‌كه به‌ری ئه‌ڤ ژڤانه دویماهیك بهێت زه‌لامێ وێ موسلمان ببیت ئه‌و دێ زڤریته زه‌لامێ خۆ و هه‌وجه‌ناكه‌ت نوی ل هه‌ڤدوو بێنه ماره‌كرن، به‌لێ هه‌كه زه‌لامێ وێ ركمانی كر و موسلمان نه‌بوو و وێ خۆ گرت هه‌تا ژڤانێت وێ دویماهیك هاتین بۆ هه‌یه شویكه‌ت و موسلمان ماره‌بكه‌ت به‌لێ باشتر ئه‌وه هه‌كه ب فه‌رمی یا ماره‌كری بیت ئه‌و خۆ ل دادگه‌هێ خۆ ژێ خلاسكه‌ت دا پاشه‌رۆژێ گرفتاری روینه‌دن و نه‌بیته ئه‌گه‌رێ گرفتاری و ئالوزیان و خودێ چێتر دزانیت.
