ب : به‌نكا ئیسلامی ئه‌وه یا یاسایاییت وی دویف شه‌ریعه‌تی بن، و ل سه‌ر بنیاتێ شه‌ریعه‌تی و حه‌لال و حه‌رامی هاتبیته دانان، و خه‌ما وێ ده‌ستڤه‌ئینانا قازانجێ حه‌لال ب تنێیه و هه‌ڤكاریا حه‌رام نه‌كه‌ت، بلا چه‌ند قازانج تێدا هه‌بیت، كورت وكرمانج به‌نكا ئیسلامی ئه‌وه یا ل دویف سسته‌مێ ئابوری یێ ئیسلامی كارێ خۆ دكه‌ت، و چالكییت وێ ژ بازنێ شه‌ریعه‌تی ده‌رنه‌كه‌ڤیت، و به‌نكا دی یا سه‌له‌فكار (ریبه‌وی) سه‌رده‌ریێ ل گه‌ل هه‌می تشتان دكه‌ت و ستێركا وێ به‌س یا ل قازانجی ب هه‌ر رێكه‌كا هه‌بیت شه‌رعی بیت یان شه‌رعی نه‌بیت، و یاسایا وێ قانون ب تنێیه، و فه‌رمان و ئه‌حكامێت شه‌رعی به‌رچاڤ نا وه‌رگریت، و ئه‌ڤ ره‌نگێ به‌نكان نه‌دورسته موسلمان سه‌ره‌ده‌ریێ ل گه‌ل بكه‌ت و نابیت چ كاران بكه‌ت قازانج ب گه‌هیته وان؛ چونكی هه‌می كارێ وان یان پتریا كارێ وان ل سه‌ر سه‌له‌ف و ریبایێیه، ژ بلی هه‌كه ل جهه‌كێ بیت و به‌نكێت ئیسلامی لێ نه‌بن هنگی دورسته ئه‌و پارێت خۆ ل وان به‌نكان ب دانیت بۆ پاریزتنا پاره‌ی، و ئه‌و زیده‌یا دچیته سه‌ر مالێ وی یێ دانای، نابیت ئه‌و مفای ژێ وه‌رگریت و د به‌رژه‌وه‌ندا خودا ب مه‌زێخیت، به‌لێ دی وه‌رگریت و دریكیت گشتێدا مه‌زیخیت، و خۆ ژێ رزگاركه‌ت، و كا به‌نكێت ئیسلامی د كوردستانێدا هه‌نه یان نه ئه‌ز نه‌شیم بێژم هه‌نه یان نینن به‌لێ نابیت ئه‌م ب ناڤا بێینه خاپاندن هه‌تا ئه‌م ناڤه‌روكێ نه‌زانین و نابیت هه‌ر به‌نكا ناڤێ ئیسلامی دانا سه‌رخۆ ئه‌م ب ئیسلامی بزانین و سه‌ره‌ده‌ریێ ل سه‌ر ڤی بنیاتی ل گه‌ل بكه‌ین، هه‌تا ئه‌م دورستاهی نه‌زانین چه‌ند فه‌رمان و رێنمایێت شه‌رعی كارو پێگریی پێ دكه‌ت و چه‌ند پشت گو‌هڤه دهاڤێژیت و خودێ چێتر دزانیت.
