ب : نێچیری و نیچیرڤانی ژ كاریت حه‌لال و دورست و موباحن، و یێ نێچیری كارێ وی بیت و ده‌رگه‌هێ رزقێ وی بیت وژیانا وی و زاروكێت وی ل سه‌ربن، هنگی حوكمێ نیچیرێ ل دیف ئنیه‌تا وییه، و هنگی ئه‌و كار یێ باشه و خودان خێره د وی كاریدا، دڤه‌گێرا بوخاریدا هاتیه، پێغه‌مبه‌ر سلاڤێت خودێ ل سه‌ربن دبێژیت: (مَا أَكَلَ أَحَدٌ طَعَاماً خَيْراً مِن أَنَ يَأْكُلَ مِن عمَلِ يَدِهِ، وَإِنَّ نَبيَّ اللَّه دَاوُدَ صَلّى اللهُ عَلَيْهِ وسَلَّم كان يَأْكلُ مِن عَمَلِ يَدِهِ) كه‌سی خوارنه‌ك نه‌خواریه چێتر ژ وی ئه‌وا ئه‌و ژ كارێ ده‌ستی خۆ بخۆت و پیغه‌مبه‌ری خودێ داود سلاڤین خودی ل سه‌ربن ژ كارێ ده‌ستێ خۆ د خوار، و چ ده‌م ژ ده‌میت دیدا ب خێرتر نین، به‌لێ نێچیرا دیمێ نابیت ده‌مێ دئیحراماندا بۆ عومرێ یان بۆ حه‌جێ بێته‌كرن، چ ده‌مێ سالی بیت، هه‌تا ژ ئیحرامان نه‌ده‌ركه‌ڤیت، هه‌رگاڤا ئیحرامان ده‌ركه‌فت، جاره‌كا دی حه‌لاله ئه‌و نیچیرا دێمی بكه‌ت، به‌لێ نیچیرا ئاڤی هه‌می ده‌ماندا دورسته ب ئیحرام و بی ئیحرام، به‌لێ هه‌كه هنده یاسا هاتنه دانان بۆ پارازتنا ژینگه‌هێ و رێكئیخستنا نێچیرێ و پارازتنا سه‌روسامانێ گیانه‌وه‌ران، هنگی دڤێت پیگری ب وان یاسایانڤه بێته‌كرن هه‌كه مه‌به‌ست ژێ به‌رژه‌واندا گشتی بن و خودێ چێتر دزانیت.
