ب : هندی دایكا ته یا ساخ بیت، ئه‌ڤه مافێ وێیه، و دڤێت ئه‌و داخوازا مافێ خۆ بكه‌ت، و هه‌لویستێ پیتڤی وه‌رگریت، راسته گه‌له‌ك برا سته‌مێ ل خویشكێت خۆ دكه‌ن، و مافێ وان ژ میراتی نا ده‌نێ، به‌لێ رێژه‌كا مه‌زن مه‌زن هه‌ر خویشك ئه‌گه‌رن، ب دورستی و ئاشكه‌رایی و ل هه‌می جهان مافێ خۆ ناخوازن، ل مالێت خۆدا ل ده‌ف هه‌ڤژین و زاروكێت خۆ تشته‌كێ دبێژیت، و هه‌كه كه‌فته به‌رامبه‌ر دایك و براییت خۆ، تشته‌كێ دی دبێژیت، ب گشتی خالێ ته یێ خه‌له‌ته و گونه‌هكاره و بۆ وی حه‌رامه و نه دورسته ئه‌و پشك وبارێت خویشكێت خۆ بخوت، و هه‌ر زێده‌یه‌كا ئه‌و ب رێكا وی مالیڤه ب ده‌سخۆڤه بینیت بۆ وی یێ حه‌رامه؛ چونكی وی مافه‌ك ژ خویشكێت خۆ ڤه‌گرت خودێ دایه وان، خودایێ مه‌زن دبێژیت: (لِلرِّجَالِ نَصِيبٌ مِمَّا تَرَكَ الْوَالِدَانِ وَالأقْرَبُونَ وَلِلنِّسَاءِ نَصِيبٌ مِمَّا تَرَكَ الْوَالِدَانِ وَالاقْرَبُونَ مِمَّا قَلَّ منه أو كَثُرَ نَصِيبًا مَفْرُوضًا) كا چاوا وی پشك وبار ژ میراتێ بابێ خۆ هه‌نه وه‌سا خویشكا وی ژی یێت هه‌ین، و رێكا پێ ب گه‌هنه میراتی یا وی و وێ ئێك رێكه، ڤێجا بۆچی ئه‌و وه‌ربگریت و خویشكێت خۆ ژێ بێ باركه‌ت.
و ته ماف نینه تو خۆ ژ خالێ خۆ سلكه‌ی هه‌كه دایكا ته ئازاكربیت و پێ هێلابیت، یان خۆ ژ مافێ خۆ بێ ده‌نگ كربیت، به‌لێ هه‌كه دایكا ته خوازتبیت و ل گه‌ل هندێ ژی خالێ ته نه دابیتێ ئه‌ڤه نه‌هه‌قیه و سته‌م و زولمه، بۆ هه‌وه هه‌یه هوین وان رێكا بگرنه به‌ر یێت هوین پێ مافێ خۆ بزڤرینن و خودێ چێتر دزانیت.
