ب / ژ پێغه‌مبه‌رێ خۆشتڤى (سلاڤێت خودێ لێ بن) نه‌هاتيه زانين زكره‌كێ تايبه‌ت و ئاشكرا و ده‌ستنيشانكرى كربيت، به‌لێ ژێ هاتيه زانين چ وه‌خت ژ خۆ نه‌برينه بێ زكر، و زانايێت حه‌ديسآ دبێژن: ده‌مێ پێغه‌مبه‌رێ خودێ (سلاڤێت خودێ لێ بن) ژ ده‌ستئاڤێ ده‌ردكه‌فت دگۆت: (غفرانك) ئانكو: ل من ببۆره، و دبێژن دگۆت: ل من ببۆره چونكى هنده وه‌خت ژێ چۆ نه‌دشيا زكرێ خودێ تێدا بكه‌ت. و عائيشا ده‌يكا موسلمانان (خودێ ژێ رازى بيت)، دبێژيت: پێغه‌مبه‌رێ خودێ (سلاڤێت خودێ لێ بن) هه‌مى وه‌ختێ خۆ و د هه‌مى كراساندا زكرێ خودێ دكر. ژ ئه‌ڤا بۆرى ديار دبيت چو وه‌خت نينن زكر تێدا نه‌يێ دورست بيت، سه‌ر ده‌ست ئاڤێ نه‌بيت، و ژبه‌ر هندێ ژى ده‌مێ پێغه‌مبه‌رێ خۆشتڤى (سلاڤێت خودێ لێ بن) ڤه‌دگه‌ريا دگۆت: غوفرانه‌ك، ئانكو: ل من نه‌گره و ل من ببۆره، و ته‌راويحان هه‌ر چار ركعه‌تان بێنڤه‌دانه‌كا هه‌ى دا هه‌رئێكێ پسياره‌ك هه‌بيت پسيارا خۆ بكه‌ت ئێكى ڤيا ئاڤه‌كێ ڤه‌خۆت.. ڤه‌خۆت، يان ئێكى ڤيا ده‌ستنڤێژا خۆ نويكه‌ت.. نويكه‌ت، و ده‌ركه‌فتنه ژ عيباده‌ته‌كى، و خودێ مه‌زن دبێژيت: ((فَإِذَا فَرَغْتَ فَانصَبْ)) ئانكو: هه‌كه تو ژ عيباده‌ته‌كى خلاس بووى ده‌ست ب عيباده‌ته‌كێ دى بكه، ڤێجا يێ خلاس بوو بۆ خۆ زكره‌كى بكه‌ت ـ هه‌ر زكره‌كێ هه‌بيت ـ چو تێدا نينه و دورسته، و خودێ چێتر دزانيت.
