ب / زانا د ده‌نگ بلندكرنا زكريدا پشتى نڤێژان د ژێك جودانه، و نه‌ئێكن، و گه‌له‌ك زانا يێ دگه‌ل هندێ سونه‌ته، چونكى يا هاتيه زانين سه‌رده‌مێ پێغه‌مبه‌رى (سلاڤێت خودێ لێ بن) هه‌روه‌كى بوخارى و موسلمى ژ ئبن عه‌باس (خودێ ژێ رازى بيت) ڤه‌گێراى: ((عن ابي مَعْبَدٍ مولى بن عَبَّاسٍ أخبره أَنَّ بن عَبَّاسٍ أخبره أَنَّ رَفْعَ الصَّوْتِ بِالذكْرِ حين ينْصَرِفُ الناس من الْمَكْتُوبَه كان على عَهْدِ النبي (سلاڤێت خودێ لێ بن) وَأَنَّهُ قال قال بن عَبَّاسٍ كنت أَعْلَمُ إذا انْصَرَفُوا بِذلِكَ إذا سَمِعْتُهُ)) ئه‌بو مه‌عبه‌د (خودێ ژێ رازى بيت) دبێژيت: ئبن عه‌باس (خودێ ژێ رازى بيت) گۆتێ: ل سه‌رده‌مێ پێغه‌مبه‌رى (سلاڤێت خودێ لێ بن) پشتى خه‌لك ژ نڤێژا فه‌رز ب دويماهى دهات زكر ب ده‌نگێ بلند دكر و وى گۆت: من ب هندێ دزاني وان نڤێژ ب دويماهى ئينا، و زانايێت دگه‌ل ڤێ بۆچونێ: ئبن حه‌زم و ئبن ته‌يميه (خودێ ژێ رازى بيت) و يێت سه‌ردم ئبن عسێمين (خودێ ژێ رازى بيت) و ل ده‌ف ئيمامێ شافعي و هنده‌كێت دى نه‌سونه‌ته به‌رده‌وامى پێ بێته‌كرن ئه‌و نه‌بيت بۆ فێربوونێ بۆ ده‌مه‌كى هه‌تا خه‌لك فێرى زكرى دبيت و پشتى هنگى ب ده‌نگێ نزم دێ هێته‌كرن، و ئه‌ز دبينم هه‌ردوو بۆچۆن يێت هه‌ين ب ده‌نگێ بلند و ب ده‌نگێ نزم و نه‌جهێ هندێيه ئه‌م به‌رببينه ده‌ڤ و لێڤێت ئێكدوو ل سه‌ر پرسه‌كێ به‌رفره‌هى يا تێدا، و خودێ چێتر دزانيت.
