ب / زكر و دوعا پێكڤه د گرێداينه، گرێدانه‌كا زێده موكوم، چونكى دوعا ژى هه‌ر زكره، به‌لكي دبيت زكر ل ده‌ف خودێ ب قه‌درتر بيت، چونكى زكر بيرئينانا خودێيه و پاك و پاقژكرنا ويه ژ هه‌مى كێماسيان، و يێ به‌رده‌وام زكرێ خودێ بكه‌ت دێ خۆ نياسيت و دێ زانيت چه‌ندێ هه‌يى و خودان ده‌ستهه‌لات بيت هه‌ر هه‌وجه‌ى خودايێ خۆيه، و د ئه‌نجامدا دێ دوعا ژى كه‌ت، و دڤێت ئه‌م بزانين پشتى قورئان خواندنێ چو په‌رستنێت دى ئه‌وێت ب ئه‌زمانى دهێنه‌كرن ژ زكرى و دوعايێ ب خێرتر و ب قه‌درتر نينن. و پێدڤيه ده‌ڤێ مرۆڤى هه‌ر يێ ته‌ر بيت ب زكرێ خودێ، و ناڤێ وى يێ شرين هه‌ر ل سه‌ر ئه‌زمانێ مرۆڤى بيت، و ئه‌ڤێ هۆسا خودێ ژى وى ژبير ناكه‌ت، و دێ چێتر ده‌ته وى، ژ وى يێ دوعا ب تنێ ژ خودێ دكه‌ت، و بێ زكر داخوازيێت خۆ بۆ وى بلند دكه‌ت، و پێغه‌مبه‌رێ خۆشتڤى (سلاڤێت خودێ لێ بن) دبێژيت: ((خودێ مه‌زن ئه‌مر دكه‌ت: هه‌ركه‌سێ زكرێ من وى ژ دوعايان ژ من مژويل بكه‌ت ئه‌ز دێ وێ ده‌مه وى يا چێتر ژ وێ يا ئه‌ز دده‌مه دوعاكه‌ران))، ئيمام ترمزى و به‌يهه‌قى و ئبن ئه‌بى شه‌يبه ڤه‌گێرايه، ڤێجا دڤێت ئه‌م ب زكرێ خودێڤه بێينه گرێدان، و بزانين ئه‌ڤه رێكه‌كا گه‌له‌كا كارلێكه‌ره و يا ب هێزه، كو خودێ وى تشتى بده‌ته مه يێ مه بڤێت، به‌لكى يا ژ هه‌ميان چێتر بده‌ته مه، ڤێجا خويشك و برايێت خودان باوه‌ر هه‌وه ئه‌مانه‌ت زكرێ خودێ و بلا خودێ هه‌مى وه‌ختان ل بيرا هه‌وه بيت، و خودێ چێتر دزانيت.
