ب / ده‌ست بلندكرن دگه‌ل دوعايێ ژ ره‌وشت و ئادابێت دوعايێنه، و نه‌واجبه چونكى پێغه‌مبه‌رێ خۆشتڤى (سلاڤێت خودێ لێ بن) هه‌مى جاران ده‌ستێت خۆ بلند نه‌كرينه، و هنده‌جاران بلند دكرن و هنده جاران بلند نه‌دكرن و هنده‌جاران هند بلند دكرن هه‌تا عه‌بايێ وى ل سه‌ر ملێت وى دكه‌فت يان سپياتيا بن كه‌فشێ وى دهاته ديتن، به‌لێ بارا پتر هند بلند دكرن هه‌تا راستا ملێت خۆ. و دڤێت ده‌مێ ده‌ست دهێنه بلندكرن بگه‌هنه ئێك و نه‌هێنه ژێك جوداكرن و ژێك فرِ نه‌بن ژبه‌ر حه‌ديسا عه‌باسى (خودێ ژێ رازى بيت) دبێژيت: پێغه‌مبه‌رى (سلاڤێت خودێ لێ بن) هه‌كه دوعا كربا ده‌ستێت خۆ دگه‌هاندنه ئێك و به‌رێ وان ددا سه‌روچاڤێت خۆ. به‌لێ د بنيرا نه‌واجبه هه‌مى ده‌مان مرۆڤ ده‌ستێت خۆ بلندكه‌ت، د قورئانێدا گه‌له‌ك دوعا يێت هه‌ين سونه‌ته ده‌مآ مرۆڤ دگه‌هيته وان دوعايان بۆ خۆ دوعايان بكه‌ت و مه‌رج نينه ده‌ستێت خۆ بلندكه‌ت، به‌لێ دڤێت ئه‌م د هشيار بين ل سه‌ر ده‌ست بلندكرنێ چونكى سونه‌تا پێغه‌مبه‌رێ خۆشتڤيه (سلاڤێت خودێ لێ بن)، و خودێ چێتر دزانيت.
