ب / ده‌ستپێكێ مه‌رج نينه چ دوعا ب عه‌ره‌بى بێنه‌كرن، هه‌ر زمانه‌كێ هه‌بيت دورسته، و خودێ خودانێ وان زمانايه، چ زمانێ مرۆڤ بزانيت دێ ب وى زمانى داخوازيێت خۆ كه‌ت، به‌لێ هه‌كه مرۆڤ بشێت وان پيت و په‌يڤ و بێژه‌يێت ژ ده‌ڤێ پێغه‌مبه‌رێ خۆشتڤى (سلاڤێت خودێ لێ بن) ده‌ركه‌فتين بێژيت باشتره، و هه‌كه شيان نه‌بن پێدڤى ناكه‌ت خۆ بوه‌ستينيت و دل ته‌نگ ببيت، هه‌ر زمانه‌كێ هه‌بيت دورسته، و ئه‌و دوعا ژى ئه‌ڤه‌يه: زه‌لامه‌ك هاته ده‌ف پێغه‌مبه‌رى (سلاڤێت خودێ لێ بن) گۆت: يا پێغه‌مبه‌رێ خودێ.. چه‌ندا مه‌زن بوو من ژ دويپشكه‌كى ديتى دوهى ب من ڤه‌دا، گۆت: ده‌مێ ل ته بوويه ئێڤار هه‌كه ته گۆتبا: ((أعُوذ بِكَلماتِ اللَّهِ التَّامَّاتِ منْ شَرِّ ما خَلَقَ لم تَضرَّك)) ئه‌ز خۆ ب په‌يڤێت خودێ يێت تمام و بێ كێماسى دپارێزم ژ خرابيا تشێ وى داى، زيان نه‌دگه‌هانده ته. ديسا پێغه‌مبه‌رێ خودێ (سلاڤێت خودێ لێ بن) دبێژيت: نينه به‌نده‌يه‌ك سپێده‌يا هه‌ر رۆژه‌كا هه‌بيت و ئێڤاريا هه‌ر شه‌ڤه‌كا هه‌بيت، سێ جاران بێژيت: (بِسْمِ اللَّهِ الَّذي لاَ يضرُّ مَع اسْمِهِ شيء في الأرض ولا في السماءِ وَهُوَ السَّمِيعُ الْعلِيمُ ) ئه‌ز هاريكاريێ ب ناڤێ خودێ دخوازم ئه‌وێ چو تشت دگه‌ل ناڤێ وى زيانێ نه ل ئه‌ردى و نه ل ئه‌سمانى نه‌كه‌ت و ئه‌و گوهدێر و زانايه، و تشته‌ك زيانێ بگه‌هينيتێ، و خودێ چێتر دزانيت.
