ب / ده‌ستپێكێ دڤێت ئه‌م بزانين كيژ دوعا دورستن د نڤێژێدا بێنه‌كرن. ده‌ف ئيمام ئه‌حمه‌د و ئه‌بى حه‌نيفه، خودێ ژ هه‌ردوويان رازى بيت، تنێ ئه‌و دوعا دورستن ئه‌وێت د قورئانێدا هاتين يان ژى ژ پێغه‌مبه‌رآ خودآ (سلاڤێت خودێ لێ بن) هاتينه ڤه‌گوهاستن، هه‌رچه‌نده جمهورێ زانايان دگه‌ل ڤێ بۆچۆنێ نينن و دبێژن: هه‌ر دوعايه‌كا هه‌بيت يا دورسته، به‌لێ ئه‌و دوعا ب خۆ يا خه‌له‌ت نه‌بيت، و ئه‌ڤ بۆچۆنه دورستره، و هنگى پێ چێ بيت نابيت ئه‌و ب زمانه‌كێ دى ژبلى يێ عه‌ربى دوعا و زكرێت نڤێژێ بێژيت، و ئه‌ڤه بۆچۆنا هه‌مى زانايانه ژ گۆتنا پێغه‌مبه‌رێ خودێ (سلاڤێت خودێ لێ بن): ((صَلَّوا كمَا رَأَيتُمُوني أُصَلِّي)). وه‌سا نڤێژێ بكه‌ن وه‌كى هه‌وه ئه‌ز ديتيم من نڤێژ كرى. و پێغه‌مبه‌رێ خودێ (سلاڤێت خودێ لێ بن) ب چو زمانێت دى زكر و دوعايێت نڤێژێ نه‌گۆتينه، به‌لێ ده‌ف ئيمام ئه‌بو حه‌نيفه دورسته و نڤێژ به‌تال نابيت، بۆ ئحتيات ئه‌ز دبێژم: بلا د نڤێژا فه‌رزدا دوعا ب چو ئه‌زمانێت دى نه‌هێنه‌كرن چونكى خودێ نه‌كه‌ت هه‌كه نڤێژ پێ به‌تال بوو هنگى دێ مرۆڤ د زيانه‌كا مه‌زندا بيت، به‌لێ هه‌كه عه‌ره‌بى نه‌زانيت و دڤێت ب ئه‌زمانآ خۆ بۆ خۆ دوعا د نڤێژێدا بكه‌ت بلا وان دوعايان بكه‌ته د نڤێژێت سونه‌تدا و نڤێژا مريدا و دويف بۆچۆنا ئه‌بو حه‌نيفه دورسته و چو تێدا نينه، و خودێ چێتر دزانيت.
